ބޭސްފަރުވާއަށް މިއަދު ސިންގަޕޫރަށް ފުރާވަޑައިގަންނަވާކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
ރައީސުލްޖުމްހޫރިއްޔާ މިކަން ހާމަކުރެއްވީ އެމަނިކުފާނު މިއަދު ކުރެއްވި ޓްވީޓެއްގައެވެ.
ޑޮކްޓަރުގެ ލަފާގެމަތިން އަޅުގަނޑު ތައިރޮއިޑް ފަރުވާއަކަށް މިއަދު ސިންގަޕޫރަށް އެބަ ފުރަން. މާތް ﷲގެ ވާގިފުޅާއެކު ފަރުވާގެ ކަންތައް ފުރިހަމަވެ، ލަސްނުވެ މަސައްކަތަށް އެނބުރި އާދެވޭނެ.
— Ibrahim Mohamed Solih (@ibusolih) February 23, 2022
ރައީސް ވިދާޅުވީ ޑޮކްޓަރުގެ ލަފާގެ މަތިން އެމަނިކުފާނު މިއަދު ސިންގަޕޫރަށް ފުރައިވަޑައިގަންނަވަނީ ތައިރޮއިޑްގެ ފަރުވާއަށްކަމަށެވެ. އަދި ފަރުވާގެ ކަންކަން ފުރިހަމަވުމުން ލަސްނުވެ މަސައްކަތަށް އެނބުރި ވަޑައިގަންނަވާނެކަމަށް އެމަނިކުފާނު ވިދާޅުވެފައިވެއެވެ.
މިމަހުގެ 10 ން 15 އަށްވެސް ރައީސްގެ ދެކަނބަލުން ސިންގަޕޫރަށް ނުރަސްމީ ދަތުރުފުޅެއް ކުރެއްވިއެވެ.
