ސަން އައިލެންޑް ރިސޯޓްގައި މުދަށް އެރި އުޅުނު އިންޑިއާގެ ފަތުރުވެރިއަކު ގެނބިގެން މަރުވެއްޖެއެވެ.
ފުލުހުން ވިދާޅުވީ އދ.އަތޮޅު ރިސޯޓް އެއްގައި މޫދަށް އެރި އުޅުނު އިންޑިއާގެ ފިރިހެން ފަތުރުވެރިޔަކު ގެނބިގެން އުޅޭކަމަށް މިއަދު މެންދުރު 12:11 ހާއިރު ފުލުހުންނަށް ރިޕޯޓްކޮށްފައިވާކަމަށެވެ. އަދި އޭނާއަށް ފަރުވާދެމުންދަނިކޮށް ނިޔާވެފައިވާކަމަށް ޑޮކްޓަރ ފުލުހުންނަށް މައުލޫމާތު ދީފައިވާކަމަށާއި، ނިޔާވީ އުމުރުން 30 އަހަރުގެ އިންޑިއާ މީހެއްކަމަށްވެސް ފުލުހުން ވިދާޅުވެއެވެ.
ފުލުހުން ވިދާޅުވީ މިހާދިސާއާ ގުޅިގެން އިތުރަށް ބަލަންޖެހޭކަންކަން ބަލަމުންދާކަމަށެވެ.
