އިސްތިހާރު ކުރުމުގެ ޙަރަކާތްތަކެއް ކުރިއަށް ގެންދިއުމަށް އެމްއެމްޕީއާރްސީ އަދި ޤަތަރު އެއަރވެއިސްއިން އެއްބަސްވުމެއްގައި ސޮއިކޮށްފިއެވެ.
މިއެއްބަސްވުމާ ގުޅިގެން އެމްއެމްޕީއާރުސީގެ މެނޭޖިން ޑިރެކްޓަރ ޠައްޔިބް މުޙައްމަދު ވިދާޅުވީ، ރާއްޖެ ދަތުރުކުރާ ބޮޑެތި އެއަރލައިންތަކާއެކު ގުޅިގެން މަސައްކަތްކުރުމަކީ އެމްއެމްޕީއާރުސީން އަބަދުވެސް ކުރާ މަސައްކަތެއްކަމަށެވެ. އެގޮތުން މިދިޔައަހަރުވެސް ޤަތަރު އެއަރވޭސްއާ ގުޅިގެން މުހިންމު މަސައްކަތްތަކެއް ކުރެވިފައިވާކަން އޭނާ ފާހަގަކުރެއްވިއެވެ. މިފަހަރުގެ އެއްބަސްވުމާއިއެކު މިމަސައްކަތް އަލުން ފަށައިގަނެވި ކުރިއަށްދާނެކަން އޭނާ ފާހަގަ ކުރެއްވިއެވެ.
އަރަބިއަން ޓްރެވެލް މާކެޓް 2022ގައި އެމްއެމްޕީއާރްސީން 62 ކުންފުންޏަކާއިއެކު ބައިވެރިވަމުންދާއިރު މި ހަރަކާތުގެ ހަވާސާގެ ތެރެއިން މި އެއްބަސްވުމުގައި އެމްއެމްޕީއާރްސީއާއި ޤަތަރުއެއާވެއިސްއިން މިވަނީ ސޮއިކޮށްފައެވެ. ޤަތަރު އެއަރވެއިސްގެ ފަރާތުން އެއްބަސްވުމުގައި ސޮއިކުރެއްވީ އެއެއަރލައިންގެ ޗީފް ކޮމާޝަލް އޮފިސަރ ތިއެރީ އެންޓިނޯރީއެވެ. އެމްއެމްޕީއާރްސީގެ ފަރާތުން އެމްއޯޔޫގައި ސޮއިކުރެއްވީ އެމްއެމްޕީއާރްސީގެ މެނޭޖިންގް ޑިރެކްޓަރ ޠައްޔިބް މުހައްމަދެވެ.
Mr. Thierry Antinori, Qatar Airways’ Chief Commercial Officer and Mr. Thoyyib Mohamed, Chief Executive Officer and Managing Director of Maldives Marketing & Public Relations Corporation, have signed a Memorandum of Understanding to further strengthen their cooperation pic.twitter.com/XxwV0tSZot
— Qatar Airways (@qatarairways) May 9, 2022
މި އެއްބަސްވުމުގެ ދަށުން ޤަތަރު އެއަރވޭސްއާ ގުޅިގެން ރާއްޖެ އިސްތިހާރު ކުރުމަށް މުހިންމު ހަރަކާތްތަކެއް ރޭވިފައިވާކަން ޠައްޔިބް ފާހަގަ ކުރެއްވިއެވެ.
ތޮއްޔިބު ވިދާޅުވި ގޮތުގައި ދުނިޔޭގެ އެންމެ މަޝްހޫރު އަދި އެންމެ މަޤްބޫލު އެއް އެއާލައިންގެ ގޮތުގައި ތަފާތު އެވޯޑުތައް ޤަތަރުއެއަރވޭސް ހޯދާފައިވާއިރު، ރާއްޖެއަކީވެސް ދުނިޔޭގެ ލީޑިންގް ޑެސްޓިނޭޝަންނަށް ވުމުން ޤަތަރުއެއަރވެއިސްއިންވެސް ރާއްޖެއާއި ގުޅިގެން މަސައްކަތް ކުރުމަށް ބޭނުންވެއެވެ.
ޤަތަރުއެއަރވޭސްއަކީ ރާއްޖެއަށް ދަތުރުކުރާ ބޮޑެތި އެއަރލައިންތަކުގެ ތެރެއިން އެންމެ ގިނަދުވަހު ދަތުރުކުރަމުން އަންނަ އެއް އެއަރލައިނެވެ. ޤަތަރުއެއަރވޭސްއިން ރާއްޖެއަށް ދަތުރުކުރާތާ މިދިޔަ އަހަރުގެ ޑިސެމްބަރަށް 20 އަހަރު ވަނީ ފުރިފައެވެ. ކޯވިޑަށް ރާއްޖޭގެ ބޯޑަރު ބަނދުކުރުމަށްފަހު އަލުން ހުޅުވާލިއިރު އެންމެ ފުރަތަމަ އައި އެއަރލައިނަކީވެސް ގަތަރުއެއއަރވޭސްއެވެ.
