ޗައިނާގެ 100 ސިޓީއެއްގައި ގެދޮރުގެ އަގުތައް މެއި މަހު ކުޑަކޮށް މައްޗަށް ގޮސްފައިވާ ކަމަށް އިންޑަސްޓްރީގެ ރިޕޯޓެއްގައިވެ އެވެ.
ސާވޭ ކުރި 100 ސިޓީގެ ތެރެއިން އޭޕްރީލް މަހުން ފެށިގެން އެވްރެޖްކޮށް އާ ގެތަކުގެ އަގު 0.03 ޕަސެންޓް މައްޗަށް ގޮސް، މެއި މަހު 16،198 ޔުއާން (ގާތްގަނޑަކަށް 2،414 ޑޮލަރު) އަށް އަރާފައިވާ ކަމަށް ޕްރޮޕަޓީ ރިސާޗް އިންސްޓިޓިއުޝަނެއް ކަމަށްވާ ޗައިނާ އިންޑެކްސް އެކަޑަމީން ބުނެ އެވެ.
ސިޓީތަކުގައި އެވްރެޖްކޮށް އާ ގެދޮރުގެ އަގުތައް އަހަރުން އަހަރަށް 1.2 ޕަސެންޓް މައްޗަށް ގޮސްފައިވެއެވެ.
މެއި މަހު ޖުމްލަ 40 ސިޓީއަކުން މަހުން މަހަށް އަލަށް ގެދޮރުގެ އަގު ބޮޑުކޮށްފައިވާއިރު، 45 ސިޓީއަކުން ވަނީ ގެދޮރުގެ އަގު ދަށްވެފަ އެވެ.
އެ މުއައްސަސާއިން ލަފާކުރާ ގޮތުގައި ޖޫން މަހު އާ ހޯމް މާކެޓަށް ކޮންސިއުމަރުންގެ އުންމީދުތަކާއި އިތުބާރު އަލުން ހަމަޖެހުން ލިބިގެންދާނެ އެވެ.
ޗައިނާއިން ވަނީ ޕްރޮޕަޓީ މާކެޓް ވަރުގަދަކޮށް އިގްތިސާދަށް ބާރުއެޅުމަށްޓަކައި ގަތުމަށް ނުވަތަ ވިއްކުމަށް ކަނޑައެޅިފައިވާ ހުރަސްތައް ލުއިކުރުމާއި، ހައުސިން ޕްރޮވިޑެންޓް ފަންޑުގެ ސިޔާސަތުތައް އެޑްޖަސްޓްކުރުމާއި، ރަހުނު އިންޓަރެސްޓް ރޭޓް ދަށްކުރުމަށް އަމާޒުކޮށްފައިވާ ފިޔަވަޅުތަކެއް އަޅާ ތަންފީޒުކުރަން ފަށާފައެވެ.
