އަންނަ މަސް ނިމޭއިރު ބޭހާއި ކާޑާއި ތެލަށް ބޭނުންވާ ފައިސާ ދައުލަތުގެ ރިޒާވްގައި ހުރިތޯ ކަށަވަރުކުރުމަށް ރައްޔިތުންގެ މަޖިލީހުގެ ނާއިބް ރައީސް ގަލޮޅު އިތުރު ދާއިރާގެ މެމްބަރ އީވާ ޢަބްދުﷲ މިނިސްޓަރ އޮފް ފިނޭންސް އިބްރާހީމް އަމީރު އަށް ސުވާކުރައްވައިފިއެވެ.
ކުރިއަށް މިއޮތް ޖުލައި މަސް ނިމޭއިރު، ބޭނުންކުރެވޭ ދައުލަތުގެ ރިޒާވުގައި، ކިތައް ދުވަހުގެ ކާޑު، ތެލުގެ އަދި ބޭހުގެ ފައިސާ ހުންނާނެތޯ، މިނިސްޓަރ އޮފް ފައިނޭންސް އިބްރާހީމް އަމީރަށް އަޅުގަނޑު ދަންނަވާ ސުވާލު؛ pic.twitter.com/Ma6GgKBiGd
— Eva Abdulla (@evattey) June 7, 2022
އަސާސީ ބޭނުންތަކަށް ވާ ވަރަށް ދައުަލަތުގެ ރިޒާވްގައި ފައިސާ ހުރިތޯ ބެލުމަށް އީވާ ހުށަހެޅުއްވިއިރު، ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ ދައުލަތުގެ ދަރަނި ބޮޑުވުމުގެ ކަންބޮޑުވުން ފާޅުކުރައްވާފައެވެ. އަންނަ ޖުލައި މަހު ދައުލަތުގެ ރިޒާވް ނުރައްކާ ވާ ވަރަށް ދަށްވެދާނެ ކަމަށް ރައީސް ނަޝީދު ވަނީ އިންޒާރު ދެއްވާފަ އެވެ. ކުރިއަށް އޮތް މަސްތަކުގައި ދަރަނި ދެއްކުމަށް ފައިސާ ހޭދަ ކުރަން ޖެހޭ ވަރާއި އެ ފައިސާ ހޯދާ ގޮތުގެ ތަފްސީލް ހޯދުމަށް މަޖިލީހުގެ މާލިއްޔަތު ކޮމިޓީގައި ރައީސް ނަޝީދު ވަނީ އެދިވަޑައިގެންފަަ އެވެ.
އީވާ މިނިސްޓަރާ ސުވާލުކުރައްވަނީ އަންނަ މަސް ނިމޭއިރު، ދައުލަތުގެ ރިޒާވްގައި އަސާސީ ބޭނުންތަކަށް ފައިސާ ހުރިތޯ އެވެ. އީވާ ފާހަގަ ކުރައްވާފައިވަނީ 3 ސުވާލެކެވެ.
- މި މަސް ފެށުނުއިރު ރާއްޖޭގެ ބޭރުގެ ފައިސާގެ ރިޒާވްގެ ތެރެއިން ސަރުކާރަށް ބޭންކުރެވޭ ފައިސާގެ ގޮތުގައި ހުރީ 317 މިލިއަން ޑޮލަރު؟
- މި މަހާއި އަންނަ މަހު 130 މިލިއަނަށް ވުރެ ގިނަ އަދަދުގެ ޑޮލަރު ދަރަނި އަނބުރާ ދައްކަން ހޭދަކުރަން ޖެހޭ؟
- އެ 130 މިލިއަން ޑޮލަރުގެ އިތުރުން، މި ދެ މަހުގެ ބަޖެޓުކޮށްފައިވާ ޑެފިސިޓަކީ 150 މިލިއަން ޑޮލަރަށް ވުރެ އިތުރު އަދަދެއް؟
