އެކިއެކި ކުށްތަކުގެ ތުހުމަތުކުރެވޭ މީހުންނަށް އާންމުން އަނިޔާކުރުމަކީ ކަންބޮޑުވާކަމެއް ކަމަށާއި އެފަދަ ކުށްތައް ކުރާ މީހުންގެ މައްސަލަތައް ވެސް ބަލައި ފިޔަވަޅު އަޅާނެކަމުގެ އިންޒާރު ފުލުހުން ދީފިއެވެ.
ފުލުހުން ކުރި ޓުވީޓެއްގައި ބުނީ، ކުށްތަކަށް އަރައި ގަންނަ ފަރާތްތަކާއި މައްސަލަތަކުގައި ތުހުމަތު ކުރެވޭ ފަރާތްތަކުގެ މައްސަލަތައް ތަހުގީގުކޮށް އެ ފަރާތްތަކަށް އަދަބު ދެވޭނެ ގޮތްތައް ގާނޫނުތަކާއި ގަވާއިދުތަކުގައި ކަނޑައެޅިގެން ބަޔާންކޮށްފައިވާ ކަމަށެވެ. އަދި އިންސާފު ހޯދުމަށް ކަމަށްބުނެ، ޖިނާއީ މައްސަލަތަކުގައި ތުހުމަތު ކުރެވޭ މީހުންނާމެދު ގާނޫނުތަކާ ހިލާފަށް އަނިޔާވެރި އަމަލުތައް ހިންގުމަކީ ނުހަނު ކަންބޮޑުވާ އަދި މުޖުތަމައުގެ މަސްލަހަތު ގެލިގެން ހިނގައިދާނެފަދަ އަމަލުތަކެއް ކަމަށެވެ.
"އެހެންކަމުން މިފަދަ ކަންތައްތައް ތަކުރާ ނުކުރުމަށް މި ހިދުމަތުން އިލްތިމާސްކުރަން. އަދި މިފަދަ ކުށްތައް ހިންގާ ފަރާތްތަކުގެ މައްސަލަ ތަހުގީގުކޮށް ގަނޫނީ ފިޔަވަޅު އަޅާނެ ވާހަކަ އެންމެހާ ފަރާތްތަކުގެ ސަމާލުކަމަށްޓަކައި ދަންނަވަން،" ފުލުހުން ބުންޏެވެ.
ފުލުހުން މިހެން ވިދާޅުވެފައި މި ވަނީ ހުޅުމާލޭ ދެ ވަނަ ފޭސްގައި ފިރިހެން ދަރިވަރަކަށް ޖިންސީ ގޯނާ ކުރިކަމަށް ތުހުމަތުކޮށް ފިރިހެން ޓީޗަރަކަށް ވަރަށް ބޮޑަށް އަނިޔާކޮށްފަނިކޮށެވެ. އަދި ދިއްފުށީގައި ކުޑަކުއްޖަކަށް ޖިންސީ ގޯނާ ކުރިކަމަށް ބުނެ ތުހުމަތު ކުރެވުނު މީހާއަށް ބަޔަކު ވަރަށް ބޮޑަށް އަނިޔާ ކުރިއެވެ. މީގެ އިތުރުން ވައްކަމުގެ މައްސަލަ ތަކުގައި އަތުލައިގަންނަ މީހުންނަށްވެސް ބައެއް މީހުން އަނިޔާކޮށް އެކިއެކި ގޯނާ ކުރާ މަންޒަރުގެ ވީޑިއޯތައް ދޭތެރެދޭތެރެއިން ފުލުހުން ސޯސަލް މީޑިއާގައި އާންމުވެެވެ.
3 Responses
އާންމުންނިކުމެ ގާނޫނު ތަންފީޒު ކުރުމުގެ ނަމުގައި ޖިނާއީ ކުށްތަކަށް އަރައިގަންނަނީ ޖިނާއީ އަދުލުގެ ނިޒާމް ތަންފީޒު ކުރަންތިބި ފަރާތްތަކުން އިހުމާލު ވާތީ. ތަހުގީގު ކުރަންތިބި ފަރާތްތަކުން ކުރާތަހުގީގުގައި ދެކޮޅު ނުޖެހޭ ކަންތައް ހުރުމުގެ ސަބަބުން ކުއްވެރިން ކޯޓް މަރުހަލާއިން ދޫވެގެން ދާތީ. ދައުވާ އުފުލާ ފަރާތުން އަމަކުރާގޮތުން ހަމަހަމަކޮށް އަދުލު އިންސާފު ގާއިމު ކުރެވޭ ކަމާއި މެދު ސުވާލު އުފެދޭތީ. އިންސާފު ލިބުން ލަސްވުމުގެ ސަބަބުން ކޯޓުތަކުން ކުރާހުކުމުން އިންސާފު ލިބޭކަމުގެ އިހުސާސް ނުކުރެވޭތީ. ޕީޖީއާއި ޕޮލިސް ކޮމިޝަނަރު ރައްޔިތުންނަށް އިންޒާރު ދިނުމުގެ ބަދަލު ކުރަންވީ ކަމަކީ އަދުލުއިންސާފު ގާއިމު ކުރެވޭ ކަމުގެ އިހުސާސް ރައްޔިތުންނަށް ކުރެވޭ ގޮތަށް ތި ދެ މުވައްސަސާގެ މަސްއޫލިއްޔަތު އަދާ ކުރުން. ހިތާމަޔާއެކު ބުނަންޖެހެނީ މިހާރު މި ފެންނަނީ ތި ދެ މުވައްސަސާ ފެއިލް ވެފައިވާކަމުގެ އެއް ނިޝާން.
jehI jehi
Fuluheh eheh ehcheh nohnane
Hahgaka nulaa jahaifihya jahaanan
Thi ulhenee livaathu veemadhoa? Thihen ulheveythee emmen ekiyanee laadheeney.thimaamenakah livaathu massaeh nubelenun. Ahuren kiyaa aduehin.raajjeyge rashegga thifadha massage beli iru kanpur meehun havarah neruda thahugeegu kurivaahaka.