ބިގްބޮސްގެ އެންމެ ފަހުގެ ސީޒަނުގައި ފެނިގެންދާނެ ކަމަށް ފައިސަލް ޚާންއަށް ހުށަހެޅި ހުށަހެޅުމަށް ދެކޮޅު ހަދާފައިވާއިރު އެއީ ފާއިތުވި ދުވަސްތަކުގައި ބޮލީބުޑާ ގުޅޭ ސުރުޚީތަކުގައި އެންމެ ގިނައިން ލިޔެވުނު އެއް ވާހަކައެވެ. މިދިޔަ މަހު އެކްޓަރު ވަނީ އެ ޝޯގެ ޓެލެކާސްޓް ހުއްޓާލުމަށް އެދި ބޮމްބޭ ހައި ކޯޓަށް ވެސް މައްސަލައެއް ހުށަހަޅާފަ އެވެ.
ހައި ޕްރޮފައިލް، ބޮޑު މުސާރަ ލިބޭ ޝޯގެ ބައެއްގެ ގޮތުގައި ނުހުރުމަށް އިޚްތިޔާރު ކުރީ ކީއްވެގެންތޯ ސުވާލު ކުރުމުން ފައިސަލް ބުނީ ފައިސާ މުހިންމެއް ނޫންކަމާއި، ބިގްބޮސްގެ ގޭގައި މީހުންނާ މެދު ކަންތައް ކުރާއިރު ގައިދީންނާ ދޭތެރޭ ކަންތައް ކުރާ ގޮތަށް ކަމަށެވެ.
"ބިގް ބޮސްގައި އެންމެން އެކަކު އަނެކަކާ ދެކޮޅަށް ޕިޓްކޮށްފައި، އެމީހުން މާރާމާރީ ހިންގާ، ޖަދަލުކޮށް ހެދުމަށް ތިބާއަށް ވެސް ޓާސްކްތައް ދީފައި ވޭ. އެމީހުން ތިބާއާ ކުޅެނީ ނަފްސާނީ ގޮތުން. އެ ޒޯނުގައި ތާށިވާކަށް އަހަރެން ބޭނުމެއް ނުވި. އެމީހުން ތިބާއަށް ކޮންމެވެސް ވަރެއްގެ ފައިސާއެއް ދޭ ނަމަވެސް الله ގެ ރަޙްމަތުން އަހަރެން މާބޮޑު ފައިސާއެއް ބޭނުމެއް ނުވޭ. އެހެންވީމާ، އަހަރެން ހީކުރީ އަހަރެން ކޭޖް ޖަހަންވީ ކީއްވެގެން؟ ކޭޖްކޮށްފައި ހުންނަން ކަމުދަނީ ކާކަށް؟ މިނިވަން ދިރިއުޅުމެއް ކޮންމެ މީހަކަށްވެސް ކަމުދޭ އެއީ މަޖާ ކަމެއް އިނގޭތޯ." ފައިސަލް ބުންޏެވެ.
