ދިވެހިރާއްޖޭގެ ކަނޑުގެ ސަރަހައްދުގައި ޤާނޫނާ ހިލާފަށް މަސްވެރިކަން ކުރަމުންދިޔަ ބޭރުގެ 3 މަސްބޯޓް ކޯސްޓްގާރޑުން އަތުލައިގަނެފިއެވެ.
މި ބޯޓުތަކަކީ ސްރީލަންކާގެ ބޯޓްތަކެކެވެ. އެމްއެންޑީއެފް އިން ކުރި ޓްވިޓެއްގައި ބުނެފައި ވަނީ ދިވެހިރާއްޖޭ ކަނޑުގެ ސަރަހައްދަށް ވަދެ މަސްވެރިކަން ކުރަން އުޅުނު ތިން ބޯޓެއް އަތުލައިގަނެފައި ވާކަމަށާ، އަދި މިވަގުތު އެތިން ބޯޓު ވަނީ އެމްއެންޑީއެފް ކޯސްޓް ގާޑް ޝިޕް ޣާޒީގެ ބެލުމުގެ ދަށަށް ގެނެސްފައިވާކަމަށެވެ.
ދިވެހިރާއްޖޭގެ ކަނޑުގެ ސަރަޙައްދުގައި ޤާނޫނާ ޚިލާފަށް މަސްވެރިކަން ކުރަމުންދިޔަ ސްރީލަންކާގެ 3 މަސްބޯޓެއް އެމްއެންޑީއެފް ކޯސްޓްގާޑް ޝިޕް ޣާޒީގެ ބެލުމުގެ ދަށަށް ގެނެސްފި. pic.twitter.com/RyLyGvptWI
— Maldives National Defence Force (@MNDF_Official) December 3, 2022
ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް ވަދެ، މަސްވެރިކަން ކުރަނިކޮށް ގިނައިން އަތުލައިގަންނަނީ ލަންކާއާއި އިންޑިއާގެ މަސް ބޯޓްތަކެވެ. މި ބޯޓުތަކަކީ ސައިޒްގެ ގޮތުން ވަރަށް ކުދި ދާ އަޅާ މަސް ބޯޓްތަކެކެވެ.
