ބޮލީވުޑް ނުވަތަ ހިންދީ ސިނަމާގެ އެންމެ ހޭންޑްސަމް ނުވަތަ އެންމެ ފިރިހެންވަންތަ ތަރިންނަކީ ކޮބައިތޯ ސުވާލުކޮށްފިނަމަ ގިނަ މީހުން ބުރަވަނީ ތިރީގައިވާ ލިސްޓަށެވެ. ޚާއްސޮށް ސޯޝަލް މީޑިޔާގައި އެ ތަރިން ފޮލޯކުރާ މީހުންނާއި އެތަރިންނާ ގުޅޭ ގޮތުން ދީފައިވާ ކޮމެންޓްތަކުން މިކަން މާބޮޑަށް ކަށަވަރުވެ އެވެ.
ވާދަވެރިކަން ބޮޑުވެފައިވިއަސް، އަދިވެސް ލިސްޓްގެ އެއްވަނަ ހޯދަނީ ރިތިކް ރޯޝަނެވެ. އޭނާގެ އެންމެ ފިރިހެންވަންތަ ސިފަ ކަމަށް ގިނަ މީހުން ފާހަގަކޮށްފައިވަނީ އޭނާގެ ފުރިހަމަ އިސްކޮޅާއި މޫނުގެ ބައްޓަމާއި ފުން ދެ ލޮލެވެ.
- ޖެކީ ޝްރޮޕްގެ ދަރިފުޅު ޓައިގަ ޝްރޮފަކީ ބޮލީވުޑަށް ތަޢާރަފް ވީއްސުރެ އޭނާގެ ރީތިކަމާއި ފިރިހެންވަންތަ ކަމަށް ކެނޑިނޭޅި ތަޢުރީފު ލިބެމުން އަންނަ އަޚްލާގު ރަނގަޅު ތަރިއެކެވެ. އޭނާއާމެދު އެންމެ ގިނަ މީހުން ގަޔާވަނީ އޭނާގެ ރީތި ހަށިގަނޑާއެވެ.
- ޖޯން އެބްރަހަމްގެ ލޮލާއި ތުންފަތާއި ބިޔަ ހަށިގަނޑާއި އިސްކޮޅުގެ ސަބަބުން އޭނާދެކެ ކަނބަލުން ތިބެނީ މޮޔަވެފައެވެ. އެހެންވެ، ބޮލީވުޑްގެ އެންމެ ފިރިހެންވަންތަ ފިރިހެނުންގެ ލިސްޓުން އޭނާގެ ނަން އުނިވެގެނެއް ނުދެއެވެ.
- ހުނަރުވެރި ޒުވާން އެކްޓަރު، ވަރުން ދަވަންގެ ދެ ލޮލުގެ ޖާދޫގައި ނުޖެހެނީ ކޮން އަންހެނެއް ހެއްޔެވެ؟ އޭނާގެ ރީތި ހަށިގަނޑާއި ތުންފަތް އެއީ ފާހަގަ ނުކޮށް ދޫކޮށްލެވޭނެ ތަންތަނެއް ނޫނެވެ.
- ޒުވާން ސިދާތު މަލޯތުރާގެ މޫނުގެ ބައްޓަމާއި ހެއާ ސްޓައިލާއި ދިގު އިސްކޮޅާއި އިސްކޮޅާ އެއްވަރުގެ ރީތި ހަށިގަނޑާއި ހިނިތުންވުން ހަމަ އެއް ވަނަ އެވެ. މި ލިސްޓުން އޭނާ ޖާގަ ހޯދީ މި ސިފަތަކުގެ ސަބަބުންނެވެ.
- ރަންބީރު ކަޕޫރުގެ މަސްތީ ދެ ލޮލާއި ރަތް ދެ ތުންފަތާއި އިސްކޮޅާ ހެޔޮވަރުގެ ހަށިގަނޑުގެ ސަބަބުން އޭނާއަށް ނަޒަރު ހުއްޓިފައިވާ ލޯތައް ގިނައެވެ.
- ޝާހިދު ކަޕޫރުގެ ހަށިގަނޑާއި ހިނިތުންވުމާއި ނޭފަތާއި މޫނުގެ ބައްޓަން ވަރަށް ގިނަ ބަޔަކަށް ކަމުދެއެވެ.
- ބޮލީވުޑުގެ ޒުވާން އަދި ހުނަރުވެރި، ސްޓައިލިޝް އެކްޓަރު ރަންވީރު ކަޕޫރަކީ "ޕާފެކްޓް ފިރިހެނެއް"ގެ ގޮތުގައި ފާހަގަނުކޮށް ދޫކޮށްލެވޭކަށްނެތެވެ. އޭނާގެ ބަރު އަޑާއި ފުރިހަމަ ހަށިގަނޑާއި ލޮލާއި މަޖާ މިޒާޖުގެ ސަބަބުން އޭނާގެ ޖާދޫގައި ޖެހޭ މީހުން ގިނައެވެ.
- ސަލްމާން ޚާނަކީ ބޮލީވުޑްގައި ދެވަނައެއް ނެތް ފަދަ ރީތި ފިރިހެނެކެވެ. އޭނާގެ މަސްތީ ދެ ލޮލާއި ފިރިހެންވަންތަ އަޑާއި ވަރުގަދަ ހަށިގަނޑުގެ އަވައިގައި ނުޖެހޭ އަންހެނަކު ނެތޭ ބުންޏަސް ރަނގަޅުވާނެ އެވެ.
- ޝާހުރުކްޚާނަކީ އުމުރުން ދުވަސްވެފައި ހުއްޓަސް، މިހާރުގެ ޒުވާން އެކްޓަރުންނާ އެއްހަމައެއްގައި އޭނާގެ ރީތިކަން ހިފަހައްޓަމުން އަންނަ ތަރިއެކެވެ. ހިނިތުންވުމާއި ލޮލާއި މޫނުގެ ބައްޓަމާއި ފުރިހަމަ ހަށިގަނޑު ހާދަ ޗާލެވެ.
