ކަންނެލި މަސްވެރިންނަށް ރަނގަޅުގޮތްތަށް ހޯދައި ދިނުމުގަައި މެދު ނުކެނޑި މި ދަނީ އެކި މަސައްކަތްތައް ކުރަމުން ކަމަށް ބޮޑުކަންނެލި މަސްވެރިންގެ ޔޫނިއަނުން ބުނެފިއެވެ.
ބޮޑުކަންނެލި މަސްވެރިންގެ ޔޫނިއަންގެ ރައީސް ހުސެއިން ނަޝީދު ބުނީ، ކަންނެލީގެ މަސްވެރިންނަށް ދިމާވެފައިވާ ދަަތިތައް ހައްލްކުރުމަށް ކަމާ ގުޅޭ މުވައްސަސާތަކާއި، ޖަމާއަތްތަކާއި އަދި ކުންފުނިތަކާއެކު މުހިންމު މަޝްވަރާތަކެއް ކުރަމުންގެންދާ ކަމަށެވެ. އަދި މިކަމަކީ އެއްވެސް ސިޔާަސީ ކުލައެއް ޖެހިގެން ކުރާ ކަމެއް ނޫންކަމަށާއި ބޮޑުކަންނެލި މަސްވެރިންގެ ޔޫނިއަނުން މަސައްކަތްކުރަނީ ކަންނެލި މަސްވެރިންގެ ހައްޤުގައި އިހުލާސްތެރިކަމާއެކުގައި ކަމަށެވެ. މިހާތަނަށް ކުރެވުނު މަޝްވަރާތަކުގެ ނަތީޖާ ފެންނަން ފަށާފައިވާކަމަށް ނަޝީދު ބުންޏެވެ.
"ބޮޑު ކަންނެލި މަސްވެރިންނަށް އަދި މުޅި ކަންނެލި މަސްވެރިކަމަށް ދިމާވެފައިވާ ގިނަ މައްސަލަތަކަށް ހައްލު ހޯދޭތޯ ބީކޭ އެމް ޔޫ އަދި މަސް ގަންނަ ކުންފުނިތަށް އަދި ސަރުކާރު ހިމެނޭ ގޮތުން. މިއަދު ވަނީ މުހިންމު މްޝްވަރާތަކެއް ކުރަން ފެއްޓިފައަ، އުންމީދަކީ ކަންނެލި މަސްވެރިންނަށް ރަނގަޅު އަގެއް ކަނޑައެޅި ، އިންޑަސްޓްރީގެ މައްސަލަތަކަށް ހައްލެއް ލިބޭނެކަމަށް! ކަންނެލި މަސްވެރިންނަށް ރަނގަޅުގޮތްތަށް ހޯދައި ދިނުމުގަައި މެދު ނުކެނޑި މި ދަނީ އެކި މަސައްކަތްތަށް ކުރަމުން!" ބޮޑުކަންނެލި މަސްވެރިންގެ ޔޫނިއަނުން ބުންޏެވެ.
ބޮޑުކަންނެލި މަސްވެރިންގެ ޔޫނިއަނުން ހިންގާކޮމެޓީގެ މެމްބަރުން ވަނީ ރައްޔިތުންގެ މަޖިލީހުގެ ރައީސް މުޙައްމަދު ނަޝީދާއި، އިކޮނޮމިކް މިނިސްޓަރު ފައްޔާޒާއި، ފިޝަރީޒް މިނިސްޓަރު ޑރ. ހުސެއިން ރަޝީދާ ބައްދަލުކޮށް މަޝްވަރާ ކޮއްފައެވެ. ކަންނެލި ޔޫނިއަނުން ކުރާ މައިގަނޑު ޝަކުވާތަކަކީ، ތެޔޮ ލިބުމުގައި ދިމާވާ ދަތިތަކާއި، ކަންނެއްޔަށް ރަނގަޅު އަގު ނުލިބުމާއި، ކަންނެލީގެ އަގު ކޮންޓްރޯލްވެފައި ނެތުންފަދަ ކަންތަކެވެ.
