ކުރުސީ އަށް އޮޅިގެންވެސް ބުނެވުނީ ރަންގަޅަށް: އަދީބަކީ އޭނަ އެންމެ ޒުވާން އިރު ރާއްޖޭގެ އެންމެ ރީތި މޮޑެލް !

ކުރުސީގެ ނަމުގައި ހިންގާ ސިޔާސީ އެކައުންޓުން އިއްޔެ އަދީބު މޮޑެލް ކުރަނީއޭ ކިޔައިގެން ހަޖޫ ޖަހާފައި އޮއްވާ ދެކުނީމެވެ. އަޅުގަނޑަށް ދެވުނީ ކުޑައިރުގެ ހަނދާން ތަކަށެވެ.

https://twitter.com/HKurusee/status/1616788182556622851?s=20&t=rtmrRi97GmlmJRkRWr2ewQ

އާދެ އެއީ 1999 ވަނަ އަހަރެވެ. އަމީނިއްޔާ އިން އަޅުގަނޑުމެން  ނިމިގެން ގެއައް ލިލީމަގުން ދާން ނުކުންނައިރު އޭރު މަޖީދިއްޔާ ސްކޫލްގެ ފުޓްބޯޅަ ކްރައުޑް ވެސް ބައިސް ކަލުތަކުގައި ލިލީމަގުން ޗާންދަނީ މަގަށް ދާން ދުއްވަނީއެވެ. އޭގެ ތެރޭގައިވެސް ސަސްޕަޓިސް ކިޔާ ގްރޫޕެއް އަންނަ އިރު ރީތި އަދީބު އޭ ކިޔާފައި ގްރޭޑް 10 ގެ ބައެއް އަންހެން ކުދިން ގޮވާ އަޑު އިވެއެވެ. އަދި އަދީބު ރަކި ހިނިތިންވުމެއްދީފައި ބައިސްކަލުގައި ދާތަން ފެނެއެވެ.

މަޖީދިއްޔާ އަށް ފުޓްބޯޅަ ކުޅުންތައްވެސް އަދި ސްކޫލް ބަހުސް އަދި ތަމްސީލް މުބާރާތުގަ އާއި ސައެންސްފެއަރ ގައި އެކްސްޕެރިމަންޓެއް ބުނެދޭން މަޖީދިއްޔާ ފަރާތުން ހުރިތަން ދެކުނީމެވެ. އަދީބު އަކީ އޭރު އެއްވެސް ހިޔާލެއް ފިކުރެއްނެތް އަބަދު ހެވިފައި ހުންނަ ސެލްފް ކޮންފިޑެންޓް ކުއްޖެކެވެ.

ދެން ފެނުނީ ބުޝްރީގެ އެސްކޭޕް އިސްތިހާރަކުން އަދީބު މޮޑެލް ކުރިތަނެވެ. އަދި 2000 ވަނަ އަހަރު ނަސަންދުރާގައި އޮތް ސީޒާ ސެލޫން އިންބޭއްވި އިންޓަރނޭޝަނަލް ވެލާ ހެއަރ ޕްރޮޑަޓްސް ލޯންޗިންގް ރަންވޭ މޮޑެލް ޝޯގެ މެއިން ދެމޮޑެލް ތެރޭ އަދީބު ހުއްޓާ ދެކުނީމެވެ.

އެއައް ފަހު 2002 ވަނަ އަހަރު ބޭއްވި ވޯލްޑްކަޕް ފުޓްބޯޅަ މުބާރާތުގެ މެޗްތަކުގެ ހާފް ޓައިމްގައި ސަންލޭންޑް އިން ޓެޑްރީ ލައްވާ ހެދި ސިންގަޕޯރ އެއަރލައިންސް އިސްތިހާރުގައިވެސް އަދީބް ލީޑް މޮޑެލްގެ ބައި އަދާކުރިތަން ދެކުނީމެވެ.

އޭރު ބޮޑު ނޫ ސައިކަލެއްގައި އަދީބު ރީތިވެލައިގެން ބުރުޖަހާތަންވެސް ދެކުނީމެވެ. އަދީބަކީ އޭރު އަޅުގަނޑުގޮތަށް އެތައް އަންހެން ކުދިންނަކަށް ވަރަށް ރީތިވީ މޮޑެލްއެކެވެ. އަޅުގަނޑާއި އަދި އެހެން ގިނަ އަންހެން ކުދިންގެ ކޮޓަރީގައި ބޭރު ފިލްމީ ތަރިންގެ ފޮޓޯ ހަރު ކުރާ އިރު އަދީބުގެ އެސްކޭޕް އިސްތިހާރުގެ ޕޯސްޓަރުވެސް ހަރުކޮށްފައި ހުންނަ ހަނދާންވެއެވެ.

އޭރު އަދި ސިޔާސީ ކަންތަކެއްނޯވެއްވެއެވެ. އެއިރުވެސް މާލޭގައި އުޅޭ ގިނަ ކުދިންނަށް އަދީބު އިނގޭނެއެވެ. އެއީ މިހާރުގެ ކުދިންނަށް ނޭންގޭނެ ވާހަކަ ތަކެއް ކަމުން އަޅުގަނޑަން ފެނުނު މަންޒަރުތައް ހިއްސާ ކޮށްލީއެވެ. އަދި އަޅުގަނޑު އަތުގައި ހުރި އަދީބުގެ އެދުވަސްވަރުގެ ފޮޓޯތައްވެސް ހިއްސާކޮށްލީއެވެ.