"ހަސަން ކުރުސީ" ގެ ނަމުގައި ހިންގާ ޓްވިޓާ އެކައުންޓުގެ އަސްލު ހޯދައިދިނުމަށް އެދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފުލުހުންނަށް ހުށަހަޅުއްވައިފި އެވެ.
ހަސަން ކުރުސީގެ ނަމުގައި ހިންގާ ޓްވިޓާގައި އެކައުންޓަކީ ރައީސް ނަޝީދުގެ ޓްވިޓަރ އެކައުންޓެއްކަމަށް ބައެއް ފަރާތްތަކުން ތުހުމަތު ކުރެއެވެ.
What should I do, citizens? Deactivate?
All this is caused by @Roxeyna and the likes of her. She’s doing it on purpose. It’s deliberate. It’s disgusting.
I have said a million times I’m not @MohamedNasheed. https://t.co/cCa0ALjxt7
— Hassan Kurusee (@HKurusee) April 18, 2023
އެ އެކައުންޓަކީ އެމަނިކުފާނުގެ އެކައުންޓެއްކަމަށް ބުނެ އޮޅުން އަރާތީ އެމަނިކުފާނަށް އިންތިހާއަށް ގެއްލުން ލިބެމުންދާ ކަމަށް ފުލުހަށް ފޮނުއްވި ސިޓީގައި ރައީސް ނަޝިދު ވިދާޅުވިއެވެ.
"އެހެންކަމުން މޯލްޑިވްސް ޕޮލިސް ސާވިސްއިން އެ ޓްވިޓާ އެކައުންޓުގެ އަސްލު ހޯއްދަވައި ދެއްވުމަށް އެދި ދެންނެވީމެވެ." އެސިޓިގައި ވިދާޅުވިއެވެ.
މީގެ ކުރިން ވެސް ނަޝީދު ވަނީ ހަސަން ކުރުސީގެ އެކައުންޓަކީ އެކަނިކުފާނުގެ ވިސްނުމާއެއްގޮތަށް ހިންގާ އެކައުންޓެއް ކަމަށާއި ނަމަވެސް ފިޒިކަލީ އެއީ އެމަނިކުފާނު ނޫންކަމަށް ވިދާޅުވެފައެވެ. ހަސަން ކުރުސީ އެކައުންޓަކީ ވަރަށް ބޮޑަށް ނަޝީދަށް ތާއިދުކޮށް ޓްވީޓް ކުރާ އެކައުންޓެކެވެ.
