ރާއްޖެއިން މިއަދު ނެގި 204 ސާމްޕަލްގެ ތެރެއިން ކޮވިޑް 19 ވައިރަސްއަށް ޕޮޒިޓިވްވީ 16 މީހުން ކަމަށް ހެލްތު ޕްރޮޓެކްޝަން އެޖެންސީއިން ހާމަކޮށްފިއެވެ.
އެޗް.ޕީ.އޭއިން ބުނީ، މިއަދު ޕޮޒިޓިވްވި މީހުންގެ ތެރޭގައި ހިމެނެނީ 13 ދިވެހިންނާއި، 3 ބިދޭސީން ކަމަށެވެ.
އަދި މިއަދު ގްރޭޓަރ މާލެ ސަރަހައްދުން 13 މީހުން ޕޮޒިޓިވްވިއިރު، ރަށްރަށުން ޕޮޒިޓިވްވީ 3 މީހުން ކަމަށްވެސް އެޗް.ޕީ.އޭއިން ބުނެއެވެ.
މިއަދު ޕޮޒިޓިވްވި މީހުންނާއިއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދުވަނީ 11،659 އަށް އަރާފައެވެ. މީގެތެރެއިން 10،814 މީހުން ބަލިން ރަގަޅުވެފައިވާއިރު، މިހާރު ބައްޔަށް ފަރުވާކުރަނީ، 800 މީހުންނެވެ. އޭގެތެރެއިން ހޮސްޕިޓަލްގައި އެޑްމިޓް ކޮށްގެން ފަރުވާދެނީ، 55 މީހުންނަށެވެ.
ރާއްޖޭގައި ރޭވެސް މިބަލީގައި މީހަކު މަރުވެފައިވެއެވެ. އެއާއިއެކު މިބަލީގައި މަރުވި މީހުންގެ އަދަދުވަނީ 38 އަށް އަރާފައެވެ.
