ކޮންފްލެކްސްގެ ޕެކްޓުގައި ބަންދުކޮށްގެން ރާއްޖެއިން ބޭރު ކުރަން އުޅުނިކޮށް އަތުލައިގަތް 81,130 އެމެރިކާ ޑޮލަރު ދައުލަތަށް ނަގަން ކްރިމިނަލް ކޯޓުން ހުކުމްކޮށްފި އެވެ.
އެ މައްސަލައަކީ އޮގަސްޓު މަހު 25 ވަނަ ދުވަހުގެ މެންދުރުފަހު 1:53 ހާއިރު ޔޫއެސް ބަންގްލާ ފްލައިޓުން ބަންގްލަދޭޝްގެ ޑާކާއަށް ދިއުމަށްޓަކައި ވެލާނާ އިންޓަނޭޝަނަލް އެއާޕޯޓްގައި ހުރި ޝަހްމިންގެ ލަގެޖް ޗެކްކުރިއިރު ގިނަ އަދަދެއްގެ ޑޮލަރު ހުރި ކޮންފްލެކްސް ޕެކެޓު ފެނިފައިވާ މައްސަލައެވެ.
އެ މައްސަލާގައި ސިއްރުން މުދާ ބޭރުކުރަން އުޅުމުގެ ކުށުގެ ދައުވާ ބަންގްލަދޭޝް ޝަހްމިން އިސްލާމް ޝަގުރްގެ މައްޗަށް އުފުލި އެވެ. ކޯޓަށް ހާޒިރު ކުރުމުން ޝަހްމިން, ކުށަށް އިއުތިރާފްވެ، ވީހާވެސް އަވަހަށް ރާއްޖެއިން ޑީޕޯޓްކޮށް ދިނުމަށް އެދުނެވެ.
ޕީޖީއާއެކު ހަދާފައިވާ އިއުތިރާފް އެއްބަސްވުމުގައި ޝަހްމިންވަނީ އޭނާގެ އަތުން ފެނުނު 81,130 ޑޮލަރު ދައުލަތަށް ނަގަން އެއްބަސްވެފައެވެ. އަދި އިއުތިރާފްގެ އެއްބަސްވުމަށް ބަލާއިރު އޭނާގެ އަދަބަކީ 12,000ރގެ ޖޫރިމަނާއެކެވެ.
