2025 ވަނަ އަހަރަށް ދުނިޔޭގެ އެންމެ މޮޅު 10 ފައިޓާ ޖެޓް
ސަލާމަތާއި ރައްކާތެރިކަމަށް ބޭނުންވާ ގޮތަށް އެކި ގައުމުތަކުން އުފައްދާފައިވާ ތަފާތު ފައިޓާ ޖެޓްތަކާއި އޭގެ ޤާބިލުކަމާއި ކުރިއަރާފައިވާ ޓެކްނޮލޮޖީގެ ގޮތުން ރޭންކްކުރެވިފައިވާ އެންމެ މޮޅު 10 ހަނގުރާމަވެރިންގެ ލިސްޓްގައި ހިމެނިފައިވާ ފައިޓާ ޖެޓްތަކަކީ މިއީ އެވެ.
ފައިޓާ ޖެޓްތަކަކީ އެންމެ ހަލުވި އަދި އެންމެ ބާރުގަދަ މަތިންދާ ބޯޓުގެ ގޮތުގައި ބެލެވޭ އިރު، އެ ޖެޓް ތައް ހާއްސަކޮށްފައިވަނީ ވައިގެ މަގުން ކުރާ ހަނގުރާމަތަކަށެވެ. އެގޮތުން އެފަދަ ޖެޓް ތަކަކީ ރާޑަރު ދެނެގަތުމުން ސަލާމަތްވެ، ބާރު ސްޕީޑުގައި އުދުހުމާއި، ޒަމާނީ ހަތިޔާރު ގެންގުޅުމުގެ ގާބިލުކަން ލިބިފައިވާ އެއްޗެއްސެވެ. ޒަމާނީ ފައިޓާ ޖެޓްތަކުގައި ސްޓެލްތް ޓެކްނޮލޮޖީ އާއި ސޮފިސްޓިކޭޓެޑް ސެންސަރުތަކާއި ބައެއް ފަހަރު އާޓިފިޝަލް އިންޓެލިޖެންސް ހިމެނެ އެވެ.
މި ޤާބިލުކަން ޕައިލެޓުންނަށް ދުޝްމަނުން އަވަހަށް ދެނެގަތުމަށާއި އަވަސް ޙަމަލާތައް ދިނުމުގައި އެހީތެރިވެދެއެވެ. ފައިޓަރ ޖެޓްތަކަކީ ވަކި ރޯލުތަކަށާއި މިޝަންތަކަށް ތައްޔާރުކުރެވިފައިވާ ޖެޓްތަކަކަށް ވާއިރު، އެ ޖެޓްތައް އުފެއްދުމުގެ މަސައްކަތްތަކުގައި އާދަޔާ ޚިލާފަށް މޮޅު ޓެކްނޮލޮޖީ ބޭނުންކުރުމަކީ ވަރަށްބޮޑު ވާދަވެރިކަމެއް އުފެދިފައިވާ ކަމެކެވެ.
ރޭންކިންގެ އެންމެ ކުރީގައި އޮތީ ރަޝިއާގެ މަތިންދާ ބޯޓު އެސްޔޫ-57 އެވެ. 50 މިލިއަން ޑޮލަރުގެ އަގުހުރި މި ޖެޓަކީ ދުނިޔޭގެ އެކި ކަންކޮޅުތަކުގައި ވައިގެ ސިފައިންނަށް ލިބެން ހުރި އެންމެ އަގުހެޔޮ ފައިޓާ ޖެޓް ކަމަށް އެރޯ ޓައިމްގެ ރިޕޯޓެއްގައި ބުނެފައިވެ އެވެ.
10 – ޑަސޯލްޓް ރަފާލް
މިއީ ޑަސޯލްޓް އޭވިއޭޝަނުން އުފެއްދި ފްރާންސްގެ މަލްޓިރޯލް ފައިޓާ ޖެޓެކެވެ. މި ފައިޓާ ޖެޓަކީ 3،700 ކިލޯމީޓަރުގެ ރޭންޖަކާއެކު މެކް 1.8 (ގާތްގަނޑަކަށް 2،222 ކިލޯމީޓަރު/ގަޑިއަކު) އާ ހަމައަށް ބާރު މިނުގައި ދަތުރުކުރެވޭ ސްނެކްމާ އެމް88 ގެ 2 އިންޖީނުން ދުއްވާ ޖެޓެކެވެ. އޭގެ ތެރޭގައި ލޭޒާ ގައިޑެޑް ބޮމާއި ސްކޭލްޕް މިސައިލް ފަދަ ތަފާތު ވައްތަރުގެ ހަތިޔާރު ގެންގުޅެވޭނެއެވެ. އިންޑިއާ އާއި ކްރޮއޭޝިއާގެ ކޮންޓްރެކްޓްތަކާ އެކު ދުނިޔޭގެ އެކި ކަންކޮޅުތަކުން 500 އަށް ވުރެ ގިނަ ޖެޓް މިހާރު އޯޑަރުކޮށްފައިވެ އެވެ.
9 – ބޮއިންގް އެފް/އޭ-18އީ/އެފް ސުޕަ ހޯނެޓް
ބޮއިންގް އެފް/އޭ-18އީ އަދި އެފް/އޭ-18އެފް ސުޕަ ހޯނެޓް އަކީ މެކްޑޮނެލް ޑަގްލަސް އެފް/އޭ-18 ހޯނެޓް އިން ނެގި އެމެރިކާގެ ސުޕަސޮނިކް ޓްވިން-އިންޖީން، ކެރިއާ ކެޕޭބަލް، މަލްޓިރޯލް ފައިޓާ އެއާކްރާފްޓްގެ ވައްތަރެކެވެ. އެފް/އޭ-18 އަކީ 1978 ވަނަ އަހަރުން ފެށިގެން އެކި ގޮތްގޮތުން ހިދުމަތް ދެމުން އަންނަ ޖެތެކެވެ.
މި ސީރީޒްގެ އެންމެ ފަހުގެ ޖެޓަކީ 21 ވަނަ ގަރުނާ އެއްގޮތް ވާޝަނެއް ކަމަށްވާ ބޮއިންގް އެފް/އޭ-18އީ/އެފް ސުޕަ ހޯނެޓް އެވެ. ސުޕަ ހޯނެޓްސްގެ މި ސިލްސިލާގެ ސަބަބުން މެކް 1.8 އާ ހަމައަށް ބާރުމިނުގައި އުދުހެވެއެވެ.
8 – ޔޫރޯފައިޓާ ޓައިފޫން
ޔޫރޯފައިޓާ ޓައިފޫންއަކީ އިނގިރޭސިވިލާތް، ސްޕެއިން، ޖަރުމަނު އަދި އިޓަލީ ފަދަ ޔޫރަޕްގެ ގައުމުތަކުގެ ކޮންސޯޓިއަމަކުން އުފައްދާފައިވާ 4.5 ޖީލުގެ މަލްޓިރޯލް ފައިޓަރ ޖެޓެކެވެ. ޑެލްޓާ ވިންގާއި ކެނާޑް ޑިޒައިނެއް ހިމެނޭ މި ޖެޓްގައި ވަރަށް ފުރިހަމަ އެޕިލިޓީއެއް ހުންނައިރު، ޔޫރޯޖެޓް އީޖޭ 200 އިންޖީނު ބޭނުންކޮށްގެން މެކް 2 (ގާތްގަނޑަކަށް 2،495 ކިލޯމީޓަރު/ގަޑިއަކު) އާ ހަމައަށް ބާރު މިނުގައި ދަތުރުކުރެވޭ އަދި 2،900 ކިލޯމީޓަރުގެ ރޭންޖެއް ހުރެ އެވެ.
7 – ސުކޮއި އެސްޔޫ-35
ސުކޮއި އެސްޔޫ-35 އަކީ ދުނިޔޭގެ ފެންވަރުގައި 4 ވަނަ ޖީލުގެ އެންމެ ބާރުގަދަ އެއް ފައިޓާ ޖެޓެވެ. އޭގެ އެންމެ ފާހަގަކޮށްލެވޭ ކަމަކީ ޓޫ ޕްލޭން ތްރަސްޓް ވެކްޓަރިންގެ އެވެ. މިއީ މި ޓެކްނޮލޮޖީ ބޭނުންކުރާ ހަމައެކަނި އެއާކްރާފްޓެވެ.
އެސްޔޫ-35 އަކީ 17،000 ޕައުންޑަށް ވުރެ ގިނަ ހަތިޔާރުގެ ކެޕޭސިޓީ ހުރި ބޯޓެކެވެ. އިލެކްޓްރޯނިކް ހަނގުރާމައިގެ ގާބިލުކަމާއި އިންފްރާރެޑް ސާޗް އެންޑް ޓްރެކް (އައިއާރްއެސްޓީ) ސެންސަރާއި މެކް 2.25 ގެ ސްޕީޑާއެކު، މިއީ ޑިފެންސިވް އަދި އޮފެންސިވް އޮޕަރޭޝަންތަކަށް ވެސް ވަރުގަދަ އެސެޓެއްގެ ގޮތުގައި ބޭނުންކުރެވޭ ޖެޓެކެވެ.
ޗައިނާ އާއި މިސްރު ފަދަ ގައުމުތަކަށް މިހާރު ވެސް 100 އަށް ވުރެ ގިނަ ޔުނިޓް އޮޕަރޭޓްކޮށް އެކްސްޕޯޓް ކުރަމުން އަންނައިރު، އެސްޔޫ-35 އަކީ 2025 ވަނަ އަހަރާ ހަމައަށް ރަޝިއާގެ ޓެކްޓިކަލް އެއާޕަވާގެ މުހިއްމު ބައެކެވެ.
6 – ޖެނެރަލް ޑައިނަމިކްސް އެފް-16
ފައިޓިން ފެލްކަން މިއީ މިހާތަނަށް އުފެއްދި އެންމެ ކުރިއަރާފައިވާ ހަތަރު ވަނަ ޖީލުގެ ފައިޓާ، ދުނިޔޭގެ ވައިގެ ސިފައިންނަށް އާ ފެންވަރުގެ ގާބިލުކަން ފޯރުކޮށްދޭ ހަނގުރާމަމަތީ ޖެޓެކެވެ. މި ފައިޓާޖެޓްގައި ނޯތުރޮޕް ގްރޫމަންގެ އެޑްވާންސް އޭޕީޖީ-83 އޭއީއެސްއޭ ރާޑަރު ހިމެނޭއިރު، މި ރާޑަރުގައި ފްލެކްސިބިލިޓީ އަދި ހަލުވި އޯލް ވެދަރ ޓާގެޓިން، ޕައިލެޓުންނަށް އެކްސެޕްޝަނަލް ޓާގެޓް އޭރިއާ ޑީޓެއިލް އަދި ޑިޖިޓަލް މެޕިން ޓެކްނޮލޮޖީ ގެ އެހީގައި ސްލީވް އަދި ޒޫމް ކެޕޭބިލިޓީސް އާއެކު ކަސްޓަމައިޒް ކުރެވޭނެ އެވެ.
5 – ލޮކްހީޑް މާޓިން އެފް-22 ރެޕްޓަރ
މިއީ އެމެރިކާގެ ވައިގެ އަސްކަރިއްޔާއަށް އުފެއްދި ފަސްވަނަ ޖީލުގެ ސްޓެލްތް ފައިޓަރ ޖެޓެކެވެ. ޕްރެޓް އެންޑް ވިޓްނީ އެފް119 ގެ 2 އިންޖީނުން ދުއްވާ މި މަތިންދާ ބޯޓަކީ މެކް 2.25 (ގަޑިއަކު ގާތްގަނޑަކަށް 2،410 ކިލޯމީޓަރު) އާ ހަމައަށް ސްޕީޑް ހާސިލްކުރާ އަދި 3،000 ކިލޯމީޓަރުގެ ރޭންޖެއް އޮންނަ މަތިންދާބޯޓެކެވެ.
4 – ބޮއިންގް އެފް-15އެކްސް އީގަލް 2
އެމެރިކާގެ ފައިޓާ ޖެޓް "ބޮއިން އެފް-15އެކްސް އީގަލް 2″ އަކީ އެފް-15 ގެ ގާއިމުކުރެވިފައިވާ ޑިޒައިން ހިފަހައްޓައި، އޭޕީޖީ-82 އޭއީއެސްއޭ ރާޑަރު ޑިޖިޓަލް އަދި ފްލައި ބައި ވަޔަރ ކޮންޓްރޯލް ފަދަ ކޮންޓެމްޕަރަރީ އެވިއޮނިކްސް އިންޓަގްރޭޓްކޮށް، އެފް-15 ގެ އަޕްގްރޭޑް ކޮށްފައިވާ އިޓަރޭޝަނެކެވެ.
ޕްރެޓް އެންޑް ވިޓްނީ އެފް100 ގެ 2 އިންޖީނު ބޭނުންކޮށްގެން ދުއްވާ މި އިންޖީނުގައި މެކް 2.5 (ގާތްގަނޑަކަށް 3،100 ކިލޯމީޓަރު/ގަޑިއަކު) ގެ ސްޕީޑަށް ވާސިލުވެ، 3،450 ކިލޯމީޓަރުގެ ރޭންޖެއް ހުރެ އެވެ. މި މަތިންދާބޯޓަކީ ވައިގެ މަގުން 22 މިސައިލް އުފުލުމުގެ ގާބިލުކަން ލިބިފައިވާ މަތިންދާ ބޯޓެކެވެ.
3 – ޗެންގްޑޫ ޖޭ-20 މައިޓީ ޑްރެގަން
ޗެންގްޑޫ ޖޭ-20 މައިޓީ ޑްރެގަން އަކީ ޗެންގްޑޫ އެރޯސްޕޭސް ކޯޕަރޭޝަނުން އުފެއްދި ޗައިނާގެ ފަސް ވަނަ ޖީލުގެ ސްޓެލްތް ފައިޓާޖެޓެކެވެ. މި ފައިޓާ ޖެޓަކީ ސްޓެލްތް ފީޗާތައް ހިމެނޭ ގޮތަށް ފަރުމާކޮށްފައިވާ، ދުރު ރާސްތާގެ ގާބިލުކަން ލިބިފައިވާ އަދި އެޑްވާންސް އެވިއޮނިކްސް ހިމެނޭ ޖެޓެކެވެ. މިއީ މެކް 2 (ގަޑިއަކު ގާތްގަނޑަކަށް 2،470 ކިލޯމީޓަރު) އާ ހަމައަށް ސްޕީޑް ހާސިލްކުރެވޭ އަދި 5،926 ކިލޯމީޓަރުގެ ރޭންޖެއް އެކުލެވޭ ޖެޓެކެވެ.
2 – ލޮކްހީޑް މާޓިން އެފް-35 ލައިޓްނިން 2
މި ޖެޓަކީ އެމެރިކާ އާއި ގުޅިފައިވާ ގައުމުތަކަށް ހާއްސަކޮށްގެން އުފެއްދި 5 ވަނަ ޖީލުގެ ސްޓެލްތް މަލްޓިރޯލް ފައިޓާސް 2 ގެ އާއިލާއެއް ތިން ވައްތަރެވެ.
އެފް-35އޭ (ކޮންވެންޝަނަލް ޓޭކްއޮފް)، އެފް-35ބީ (ޝޯޓް ޓޭކްއޮފް/ވާޓިކަލް ލޭންޑިން) އަދި އެފް-35ސީ (ކެރިއާ ބޭސްޑް). މިއީ އެންމެ ޕްރެޓް އެންޑް ވިޓްނީ އެފް135 އިންޖީނަކުން ދުއްވާ، އަދި މެކް 1.6 (ގާތްގަނޑަކަށް 1،975 ކިލޯމީޓަރު/ގަޑިއަކު) އާ ހަމައަށް ދަތުރުކުރާ އަދި 2،222 ކިލޯމީޓަރުގެ ރޭންޖެއް ހުންނަ އިންޖީނެކެވެ. އެފް-35 ގައި އެޑްވާންސް ސެންސަރ ފިއުޝަން، އޭއެން/އޭޕީޖީ-81 އޭއީއެސްއޭ ރާޑަރު އަދި ޑިސްޓްރިބިއުޓެޑް އެޕާޗާ ސިސްޓަމް (ޑީއޭއެސް) ހިމެނެއެވެ.
1 – ސުކޮއި އެސްޔޫ-57 ފެލޯން
ރަޝިއާގައި އުފައްދާ ފައިވާ އެސްޔޫ-57 އަކީ ހަރުދަނާކަމާއި ހަތިޔާރުގެ ކެޕޭސިޓީ އަދި ސްޓެލްތް ފީޗާތަކަށް އިންޖިނިއަރ ކޮށްފައިވާ ޖެޓެކެވެ. އޭގެ ޑިޒައިންގައި މައިގަނޑު ގޮތެއްގައި އަލިއަޅުވާލާފައިވަނީ މި ހުރިހާ ޓެކްނޮލޮޖީއެއް އެހެން އެޑްވާންސް ފައިޓަރ ޖެޓްތަކަށްވުރެ ވަރަށް އަގުހެޔޮ މަތިންދާ ބޯޓަކަށް އިންޓަގްރޭޓް ކުރުމަށެވެ.
މިއީ ސުޚޯއީ އުފެއްދި ރަޝިއާގެ ފަސްވަނަ ޖީލުގެ ފުރަތަމަ ސްޓެލްތް ފައިޓަރެވެ. މި މަތިންދާބޯޓުގައި ސްޓެލްތް ޝޭޕިން، ސުޕަކްރައިޒް ކެޕޭސިޓީ އަދި އެޑްވާންސް އެވިއޮނިކްސް ހިމެނެ އެވެ. މިއީ ސެޓާން އޭއެލް-41އެފް1 ގެ ދެ އިންޖީނަކުން ދުއްވާ އުޅަނދަކަށް މެކް 2 (ގާތްގަނޑަކަށް 2،470 ކިލޯމީޓަރު/ގަޑިއަކު) އާ ހަމައަށް ސްޕީޑް ހާސިލްކުރެވޭ އަދި 3،500 ކިލޯމީޓަރުގެ ރޭންޖެއް ހިމެނޭ އިންޖީނެކެވެ. އެސްޔޫ-57 އަކީ އެން036 ބެލްކާ ރާޑަރު ސިސްޓަމް އެކުލެވިގެންވާ އަދި އޭގެ ސްޓެލްތް ގާބިލްކަން ދެމެހެއްޓުމަށް ޓަކައި އެކި ބާވަތްތަކުގެ ހަތިޔާރު އުފުލުމުގެ އިންޓާނަލް ކެރިން ކެޕޭސިޓީ ހުންނަ ބޯޓެކެވެ.
