ނޮވެމްބަރު 03 ގެ އުދުވާނީ ހަމަލާ ދިވެހި ޤައުމަށް ކުރިމަތިވި ވަގުތު، އިންޑިޔާއިން ވެދިން މަދަދާއި އެހީތެރިކަމުގެ ހަނދާންތައް ދިވެހިން އަބަދުވެސް އާކުރާނެކަމަށް ފޮރިން މިނިސްޓަރ އަބްުދުﷲ ޝާހިދު ވިދާޅުވެއްޖެ އެވެ.
ފޮރިން މިނިސްޓަރު އަބްދުﷲ ޝާހިދު މިހެން ވިދާޅުވީ، މިއަދު ފާހަގަކުރަމުންދާ ނަޞްރުގެ ދުވަހާ ގުޅިގެން ކުރެއްވި ޓްވީޓެއްގައެވެ.
މި ޓްވީޓްގައި އިތުރަށް ވިދާޅުވެފައިވަނީ މިއަދަކީ ހަޤީޤީ ރަހުމަތްތެރިކަމުގެ އަގު ވަޒަންކުރާ ދުވަސް ކަމަށާއި، ނޮވެމްބަރު 03 ގެ އުދުވާނީ ހަމަލާ ދިވެހި ގައުމަށް ކުރިމަތިވި ވަގުތު، އިންޑިޔާއިން ވެދިން މަދަދާއި އެހީތެރިކަމުގެ ހަނދާންތައް ދިވެހިން އަބަދުވެސް އާކުރާނެ ކަމަށެވެ.
އަދި މިއަދު ހަނދާން އާކުރަމުން ދަނީ ދިވެހި ގައުމަށްޓަކައި ޤުރުބާންވެ، ޝަހީދު ވެފައިވާ ދިވެހި ސިފައިންނާއި، ދިވެހި ދަރީންގެ ހަނދާންތައް ކަމަށާއި އަދި މިނިވަންކަމާއި، ޤައުމުގެ އިސްތިޤްލާލަށްޓަކައި ހަނގުރާމަ ކުރި ހިތްވަރުގަދަ ފަހުލަވާނުންގެ ޝަރަފުވެރި ޒިކުރާތައް ކަމަށެވެ.
Today, is the day to value true partnerships and true friends.
The timely and invaluable military support of #India on 3 November 1988 will always be remembered. The Maldives will always be grateful to India, for being a trusted neighbour and a true friend. #VictoryDay #3Nov
— Abdulla Shahid (@abdulla_shahid) November 3, 2020
މިނިސްޓަރު ޝާހިދު ވިދާޅުވީ، މިއަދަކީ ކުދި ގައުމުތަކަށް ކުރިމަތިވެފައިވާ ނުރައްކާތަކާއި، ދަތިތައް މަތިން ހަނދާން ކުރަންޖެހޭ ދުވަހެއްކަމަށެވެ.
