ރާއްޖެއިން މިއަދު ނެގި 1،256 ސާމްޕަލްގެ ތެރެއިން ކޮވިޑަށް ޕޮޒިޓިވްވީ 27 މީހުން ކަމަށް ހެލްތު ޕްރޮޓެކްޝަން އެޖެންސީން ހާމަކޮށްފިއެވެ.
އެޗް.ޕީ.އޭއިން ބުނީ، މިއަދު 17 ދިވެހިން ޕޮޒިޓިވްވިއިރު، 10 ބިދޭސީން ޕޮޒިޓިވްވި ކަމަށެވެ.
އަދި ގްރޭޓަރ މާލެ ސަރަހައްދުން 24 ކޭސް ފެނުނުއިރު، ރަށްރަށުން ފެނުނީ 3 ކޭސް ކަމަށެވެ.
ރާއްޖެއިން ކޮވިޑު ޖެހުނު މީހުންގެ އަދަދު 12،112 އަށް އަރާފައިވާއިރު، މިހާރު ބައްޔަށް ފަރުވާކުރަނީ 820 މީހުންނެވެ. އަދި ހޮސްޕިޓަލްތަކުގައި އެޑްމިޓްކޮށްގެން ފަރުވާކުރަނީ 52 މީހުންނެވެ.
ބައްޔަށް ފަރުވާކުރާ މީހުންގެ ތެރެއިން 9 ރަށެއްގައި 13 މީހުންނަށް ފަރުވާކުރާއިރު، 25 ރިސޯޓުގައި 55 ފަތުރުވެރިންނަށާއި 133 މުވައްޒަފުންނަށްވެސް ފަރުވާކުރަމުންދާ ކަމަށް އެޗް.ޕީ.އޭއިން މައުލޫމާތުދެއެވެ.
ރާއްޖެއިން ކޮވިޑު ޖެހުނު މީހުންގެ ތެރެއިން 11،244 މީހުން ބަލިން ރަގަޅުވެފައިވާއިރު، މި ބަލީގައި 41 މީހުންވަނީ މަރުވެފައެވެ.
