ސްކޫލަށް ނުދާ ދަރިވަރުންނަށް ފިޔަވަޅުއަޅަން އަންގާފައިވާ ކަމަށް އެޑިއުކޭޝަން މިނިސްޓަރ ޑރ އިސްމާއިލް ޝަފީއު ވިދާޅުވެއްޖެ އެވެ.
އެޑިއުކޭޝަން މިނިސްޓަރ ވިދާޅުވީ އެއްވެސް އުޒުރެއް ނެތި، ސުކޫލަށް ނުދާ މައްސަލައަކީ ބަލަންޖެހޭ މައްސަލައެއް ކަމަށެ.ެ
އެހެންކަމުން އެކަމާއި ގުޅިގެން ފިޔަވަޅު އެޅުމަށް ސުކޫލުތަކަށް އަންގަވާފައިވާނެ ކަމަށްވެސް އެޑިއުކޭޝަން މިނިސްޓަރު ޑރ. އިސްމާޢީލް ޝަފީއު ވަނީ ވިދާޅުވެފަ އެވެ.
ނެޝަނަލް އެސެސްމަންޓް އޮފް ލާނިން އައުޓްކަމްސް ރިޕޯޓް އާންމުކުރުމަށް ބޭއްވި ހަފްލާގައި ވާހަކަ ވާހަކަ ދައްކަވަމުން މިނިސްޓަރު ޝަފީއު ވަނީ މި ދުވަސްވަރު 8،000 އަށްވުރެ ގިނަ ދަރިވަރުން ސުކޫލަށް ނުދާކަން ފާހަގަކުރަށްވާފައެވެ.
