އަންނަ އަހަރަށް ލަފާކޮށް ހުށައެޅި ދައުލަތުގެ ބަޖެޓަށް 200 މިލިއަން ރުފިޔާ އިތުރުކޮށް ބަޖެޓް ކޮމެޓީގެ މަސައްކަތްތައް ނިންމާލައިފިއެވެ.
ބަޖެޓް ކޮމެޓީން ރޭ ބޭއްވި ބައްދަލުމުގައި ބަޖެޓްގެ މަސައްކަތްތައް ނިންމާ ބަޖެޓް ފާސްކޮށްފައިވާ ބަޖެޓަށް ބައެއް ބަދަލުތައް ގެނެސްގެންނެވެ. މިގޮތުން ގެނައި އެންމެ ފާހަގަކޮށްލެވޭ ބަދަލަކީ ދައުލަތުގެ ޑެފިސިޓް ވަނީ ދަށްކޮށް، ބަޖެޓަށް 200 މިލިޔަން ރުފިޔާ އިތުރުކުރުމެވެ. އަދި އާމްދަނީ އިތުރުކުރުމަށް އާ ކަންތައްތަކަށް ބަޖެޓްގައި ވަނީ ހިމަނާފައެވެ.
އަންނަ އަހަރަށް ލަފާކޮށް ދައުލަތުން ރައްޔިތުންގެ މަޖިލީހަށް ހުށައަޅާފައިވަނީ 34.8 ބިލިއަން ރުފިޔާއެވެ. އަދި އާމްދަނިއާއި ހިލޭ އެހީގެ ގޮތުގައި 17.8 ބިލިއަން ރުފިޔާ ލިބޭނެކަމަށް ވަނީ އަންދާޒާކޮށްފައެވެ. އަދި ދައުލަތުގެ ޚަރަދު ހުންނާނެކަމަށް ލަފާކޮށްފައިވަނީ 33.2 ބިލިއަން ރުފިޔާގައެވެ. އަދި ބަޖެޓް ޑެފިސިޓް 15.5 ބިލިއަނަށް އަރާނެކަމަށްވެސް ބަޖެޓް ހުށައެޅިއިރު ފިނޭންސް މިނިސްޓަރު ވަނީ ވިދާޅުވެފައެވެ.
ބަޖެޓް ދިރާސާކުރުމުގެ މަސައްކަތް ބަޖެޓް ކޮމިޓީން ކުރަމުން އަންނައިރު، ދައުލަތުގެ ވުޒާރާތަކާއި މުއައްސަސާތަކާއި އިދާރާތައް ވަކިވަކިން ހާޒިރުކޮށް ބަޖެޓާއި ގުޅޭގޮތުން މަޢުލޫމާތު އޮޅުންފިލުއްވާފައި ވެއެވެ. މި ބައްދަލުވުންތަކުގައި ގިނަ މުއައްސަސާތަކުން ވަނީ ބަޖެޓް އިތުރުކޮށްދިނުމަށް ކޮމިޓީގައި އެދުނެވެ. މިގޮތުގެ މަތިން ބައެއް މުވައްސަސާތަކަށް ބަޖެޓް ބޮޑުކޮށްދީފައިވާކަން ފާހަގަކޮށްލެވެއެވެ.
ދެން އޮންނާނީ މަޖިލީހުގެ ތަޅުމުގައި ކޮމެޓީން ފާސްކުރި ބަޖެޓަށް ބަހުސްކޮށް ގޮތެއް ނިންމުމެވެ.
