ފަލަސްތީނުގެ ސުލްޙައަކީ މެދުއިރުމަތީގެ ހަމަޖެހުމާއި ކުރިއެރުމަށް ލާޒިމުކަމެއްކަމަށް، ފޮރިން މިނިސްޓަރު ޢަބްދުﷲ ޝާހިދު ވިދާޅުވެއްޖެއެވެ.
މިނިސްޓަރު ޝާހިދު މިފަދައިން ވިދާޅުފެފައި މިވަނީ، ފަލަސްތީނުގެ ރައްޔިތުންނާއެކު ތިބިކަން ދައްކުވައިދިނުމުގެ ގޮތުން ބައިނަލް އަގުވާމީ ފެންވަރުގައި ފާހަގަ ކުރާ "އިންޓަރނޭޝަނަލް ޑޭ އޮފް ސޮލިޑިޓަރީ ވިތް ޕެލެސްޓައިން ޕީޕަލް" މި ދުވަސް ފާހަގަކުރެއްވުމުގެ ގޮތުން މީގެ އިރުކޮޅެއް ކުރިން ކުރެއްވި ޓްވީޓެއްގައެވެ.
ފޮރިން މިނިސްޓަރު ޝާހިދުގެ މިޓްވީޓުގައި އިތުރަށް ވިދާޅުވެފައި ވަނީ، ދެގޮތެއްނުވެ އަބަދުވެސް ފަލަސްތީނުގެ ރައްޔިތުންނާއެކު އެކަތިގަނޑެއްގެ ގޮތުގައި ދިވެހިރާއްޖެ ދެމިއޮންނާނެކަމުގެ ޔަޤީންކަން ތަކުރާރުކުރަށްވާކަމުގައެވެ.
ކޮންމެ އަހަރެއްގެ ނޮވެމްބަރު މަހުގެ 29 ވަނަ ދުވަހަކީ "އިންޓަރނޭޝަނަލް ޑޭ އޮފް ސޮލިޑިޓަރީ ވިތް ޕެލެސްޓައިން ޕީޕަލް" ދުވަހުގެ ގޮތުގައި ފާހަގަކުރުމަށް ކަނޑައަޅައި ނިންމާފައިވަނީ، އަލިފުދާލުގެ ޖެނެރަލް އެސެމްބްލީން 1977 ވަނަ އަހަރު ފާސްކޮށްފައިވާ ޤަރާރެއްގެ ދަށުންކަން ފާހަގަ ކޮށްލެވެއެވެ.
