2022 ވަނަ އަހަރު ގަތަރުގަ އޮންނަ ވޯލްޑްކަޕް އަށް ކޮލިފައިވުމަށްޓަކައި ޔޫރަޕުގެ ކޮލިފައިން ގުރޫޕްތައް ބަހަލާއިފިއެވެ. މުބާރާތުގެ ޔޫރަޕުގެ ކޮލިފައިން ބުރުގައި ނެދަލޭންޑް ވަރުގަދަ ގުރޫޕެއްގައި ލައްވައިލައިފިއެވެ.
މުބާރާތުގައި ކޮލިފައިން ބުރުގައި ނެދަލޭންޑް ލައްވާލީ އެއްވަރެއްގެ ދެޓީމު ހިމެނޭ ގުރޫޕް ޖީގައެވެ. މި ގުރޫޕްގައި ދެން ހިމެނެނީ ތުރުކުއީ އާއީ ނޯވޭއެވެ. މި ދެޓީމުގެ ފަރާތުން ނެދެލަންޑް އަށް ޕްރެޝަރެއް ކުރިމަތިވާނެކަމަށް ބެލެވޭއިރު މި ގުރޫޕްގައި ދެން ހިމެނެނީ މެންޓެނެގީރޯ އާއި ލެޓްވިޔާ އިތުރުން ޖިބްރަލްޓާއެވެ.
މުބާރާތުގައި ކޮލިފައިން ބުރުގައި އިނގިރޭސިން ލައްވާލީ ނިސްބަތުން ފައްސޭހަ ގުރޫޕެއްގައިއެވެ. އިނގިރޭސި ކޮލިފައިން ގުރޫޕް އައިގަ ވާދަކުރާނީ ވޯލްޑްކަޕް ކޮލިފައިންގަ 6 ފަހަރު ވާދަކޮށްފައިވާ ޕޯލެންޑާ އެއް ގުރޫޕެއްގައިއެވެ. ޕޯލެންޑް ވޯލްޑްކަޕްގައި ކޮލިފައިންގައި އެންމެފަހުން ބައްދަލުކުރީ 2014 ވަނަ އަހަރުގު ކޮލިފައިން ބުރުގައި އެ މެޗު އިނގިރޭސިން ކާމިޔާބުކުރީ 2-0 ލަނޑުންނެވެ. މެކްސިކޯގައި 1986ގައި ބޭއްވި ވޯލްޑްކަޕްގައި މި ދެޓީމް ވަނީ ވާދަކޮށްފައެވެ. މި ގުރޫޕްގައި މި ދެޓީމު އިތުރުން ދެން ހިމެނެނީ ހަންގޭރީ ، އަލްބޭނީޔާ ، އެންޑޯރާގެ އިތުރުން ސަންމަރިޔޯއެވެ.
އެންމެފަހުގެ ޗެމްޕިއަން ފްރާންސް ލައްވާލީ ޔުކްރެއިން ، ބޮސްނިޔާ ، ފިންލޭންޑް އަދި ކަޒަކިސްތާން އެއްގުރޫޕެއްގައިއެވެ. ޔޫރަޕުގެ ޗެމްޕިއަން ޕޯޗުގަލް ލައްވާލީ ސާބިޔާ ، ރިޕަބްލިކް އޮފް އަޔަލެންޑް ، ލަގްޒަމްބާގް އާއި އަޒަރުބައިޖާން އެކު އެއްގުރޫޕެއްގައިއެވެ. ސްޕެއިން ، ސްވިޑަން އެއް ގުރޫޕަކަށް ދިޔައި އިރު ދެން މިގުރޫޕްގައި ހިމެނެނީ ގްރީސް ޖޯޖިޔާ ކޮސޯވޯއެވެ.
އިޓަލީ ކޮލިފައިން ބުރުގައި ވާދަކުރާނީ ނޮދަން އަޔަލެންޑް ، ސްވިޒަލެންޑް ، ބަލްގޭރިޔާގެ އިތުރުން ލިތުއޭނިޔާއެކު އެއް ގުރޫޕެއްގައިއެވެ. މި ގުރޫޕްގައި ހިމެނޭ ސްވިޒަލޭންޑް ވަނީ 2018 ކޮލިފައިން ޕްލޭއޯފްގައި ނޮދަން އަޔަލޭންޑްގެ މައްޗަށް ކުރި ހޯދާފައެވެ. 2006 ވަނައަހަރު ވޯލްޑްކަޕް ތަށި އުފުލާލި އިޓަލީ މިވަގުތު ދެނިޔޭގެ ރޭންކިންގެ ދެވަނައިގަ އޮތްއިރު ސްވިޒަލޭންޑް އޮތީ 16 ވަނައިގައެވެ.
ދުނިޔޭގެ ރޭންކިންގެ އެއްވަނަގަވާ ބެލްޖިއަމް ، ވޭލްސްއާ އެއް ގުރޫޕެއްގައި ހިމެނުނު އިރު މީގެ ހަތަރު އަހަރުކުރިން މިދެޓީމު ޔުރޯ ފުޓްބޯޅަ މުބާރާތުގައި ވާދަކުރި މެޗު ފަހަތުން އަރައި 3-1 މޮޅުވެ ވޭލްސް ވަނީ ފުރަތަމަފަހަރަށް ބޮޑު މުބާރާތެއްގެ ސެމީފައިނަލުން ޖާގަހޯދާފައެވެ. ދެން މި ގުރޫޕްގައި ހިމެނެނީ ޗެކްރިޕަބްލިކް ، ބެލަރޫސްގެ އިތުރުން އެސްޓޯނިޔާ. ކޮލިފައިންގައި ސްކޮޓްލެންޑް ލައްވާލީ ޑެންމާކާއެކު އެއްގުރޫޕެއްގައިއެވެ.
1998 އަހަރުގެ ފަހުން ވޯލްޑްކަޕަށް ކޮލިފައިވުމުގެ އުންމީދުގައި އޮތް ސްކޮޓްލޭންޑް އިން މިގުރޫޕްގައި ވާދަކުރަން ޖެހިފަވާ ފެރޯ އައިލޭންޑް އާއި މޯލްޑޯވާ އަތުން އަދި ބަލިވެފައެއް ނުވެއެވެ. ގުރޫޕްގައ އެންމެ ވަރުގަދަ ކުރިމަތިލުމަކަށް ވާނެކަމަށް ބެލެވޭ ޑެންމާކްއާއި އެންމެފަހުން ވާދަކުރި 16 މެޗުގެ ތެރެއިން ޑެންމާކް ވަނީ 10 މެޗު ކާމިޔާބުކޮއްފައެވެ.
ވޯލްޑްކަޕް އޮންނާނީ 2022 ވަނަ އަހަރު ނޮވެންބަރު މަހުގެ 21 އިން ޑިސެންބަރުމަހުގެ 18 އަށް ގަތަރުގައެވެ.
