ޔޫއެފާ ޗެމްޕިއަންސް ލީގުގައި ލިވަޕޫލްއިން ފަހު މެޗުގައި ޑެންމާކްގެ މިޓްޔަލޭންޑް އެއްވަރުކޮށް ލިވަޕޫލްއިން އެއްވަނައިގަ ގުރޫޕް ސްޓޭޖް މެޗުތައް ނިންމައިލައިފިއެވެ.
މެޗަށް ނުކުތް އިރުވެސް މުބާރާތުގެ ދެވަނަ ބުރު ޔަގީން ކޮއްފައިވާ ލިވަޕޫލް އެއްވަރުވީ މިޓްޔައަލޭންޑް ވާދަކޮށް 1-1 ލަނޑުންނެވެ. މެޗު 55 ވަނަ ސިކުންތުގެ ތެރޭގައި ލިވަޕޫލްގެ މުހަންމަދު ސަލާހު ނެގި ލީޑާއެކު އޭނާ ވެފައިވަނީ މުބާރާތުގައި ލިވަޕޫލުން އެންމެ އަވަހަށް ލަނޑުޖެހި ފުރަތަމަ ކުޅުންތެރިޔާއަށެވެ. މިޓްޔައެލޭންޑް އިން ނަތީޖާ ހަމަހަމަކުރީ ދެވަނަހާފްގައި ލިބުނު ޕެނެލްޓީއަކުންނެވެ.
ރޭގައި ސަލާހު ކާމިޔާބުކުރި ލަނޑާއެކު މުބާރާތުގެ ތާރީހުގައި އޭނާ ލިވަޕޫލްއަށް ޖެހި ލަނޑުގެ އަދަދު ވަނީ 22 އަށް އަރާފައެވެ. މިއީ ލިވަޕޫލްގެ ތާރީހުގައި ރެކޯޑެކެވެ. ކުރިން މި ރެކޯޑް އޮތީ ޓީމުގެ ކުރީގެ ތަރި ސްޓީވަން ޖެރާޑް އަތުގައިއެވެ. މުބާރާތުގެ ތާރިހުގެ ވެސް ފުރަތަމަފަހަރަށް ރޭ ލިވަޕޫލުން ނެރުނީ އެޓީމުގެ އެންމެ ޒުވާން ފުރަތަމަ ޓީމެކެވެ. ރޭ ޔާގަން ކުލޮޕް ދަނޑަށް ނެރުނު ލިވަޕޫލްގެ ފުރަތަމަ ޓީމުގެ އެވްރެޖް އުމުރަކީ 24 އަހަރުއެވެ.
ރޭގައި މި ގުރޫޕްގައި ނެދަލޭންޑްގެ އަޔެކްސް 1-0 ލަނޑުން ބަލިކޮށް އިޓަލީގެ އެޓްލާންޓާއިން ވަނީ މުބާރާތުގެ ދެވަނަ ބުރުން ޖާގަހޯދާފައެވެ. ލިވަޕޫލްއިން ގުރޫޕްގައި ކުޅުނު ހަ މެޗުން ވަނީ 13 ޕޮއިންޓް ހޯދައިފައެވެ. އެޓީމުން ގުރޫޕް ސްޓޭޖު އެންމެގިނަ ޕޮއިންޓާއެކު ނިންމާލީ 2008 ވަނައަހަރުގެ ސީޒަންގައިއެވެ. އެފަހަރު ގުރޫޕް ސްޓޭޖުން ލިވަޕޫލް ވަނީ 14 ޕޮއިންޓް ހޯދާފައެވެ.
