އިންފޮމޭޝަން ޓެކްނޮލިޖީގެ ދާއިރާގައި އަމިއްލަ ދިވެހި ވިޔަފާރިއެއް ކަމުގައިވާ މެކްސްކޮމް ޓެކްނޮލޮޖީ އިން، ހުޅުމާލޭގައި ތަރައްޤީ ކުރެވެމުންދާ އީ-ލައިބްރަރީއަށް ކޮމްޕިޔުޓަރ ޓެބްލެޓްތަކެއް ހަދީޔާކޮށްފި އެވެ.
ހުޅުމާލެ ޑިވެލޮޕްމަންޓް ކޯޕަރޭޝަން (އެޗް.ޑީ.ސީ) އިން މިއަދު ހާމަކޮށްފައިވާ ގޮތުގައި، ހުޅުމާލޭގައި ތަރައްޤީކުރެވޭ ސްމާޓް ސިޓީ ޕްރޮޖެކްޓްގެ ދަށުން ޤާއިމުކުރެވޭ އީ-ލައިބްރަރީ އަށް މެކްސްކޮމް އިން 10 ކޮމްޕިޔުޓަރ ޓެބްލެޓް މިއަދު ހަދިޔާކޮށްފައި ވެއެވެ.
ހުޅުމާލޭ ސްމާޓް ސިޓީ ޕްރޮޖެކްޓްގެ ދަށުން ޤާއިމުކުރެވޭ އީ-ލައިބްރަރީ އަކީ ޕްރޮފެސަރ އުޤައިލް ގެ "ޢުޤައިލް ފައުންޑޭޝަން" ގެ ފަރާތުން، ހުޅުމާލޭގައި ދިރިއުޅެމުންދާ ރައްޔިތުންނަށް ތަރައްޤީކޮށްދޭ ޒަމާނީ ލައިބްރަރީއެއްކަން ފާހަގަކޮށްލެވެއެވެ.
