ދިވެހި ޕްރިމިއާ ލީގުގައި މިއަދު ހަވީރު ކުލަބު ވެލެންސިއާ އާއި ޔުނައިޓެޑް ވިކްޓްރީ(ޔޫވީ) ބައްދަލު ކުރި މެޗް ކުލަބު ވެލެންސިއާއިން ކާމިޔާބު ކޮށްފި އެވެ. ވެލެންސިޔާ މެޗު ކާމިޔާބު ކުރީ 4-0 ލަނޑުންނެވެ.
ވެލެންސިޔާއިން މެޗު ފުރަތަމަ ލަނޑުޖެހީ ފުރަތަމަހާފްގެ ފަހުކޮޅު ވެލެންސިއާގެ ކެޕްޓަން އަލީ އަޝްފާގު (ދަގަނޑޭ) ދިން ބޯޅައަކުން އަލީފާސިރް(ސެންޓޭ) އެވެ. މެޗްގެ ފުރަތަމަ ހާފްގައި ދެޓީމުގެ ފަރާތުން ވެސް ފެނިގެންދިޔައީ ދާދި ހަމަ ހަމަ ކުޅުމެކެވެ. ޔޫވީގެ ގޯލަށް އަމާޒުކޮށް ވެލެންސިއާ އިން ގިނަ ހަމަލާތަކެއް އުފައްދަން މަސައްކަތް ކުރި ނަމަވެސް އެހުރިހާ ހަމަލާއެއް ޔުވީ އިން ވަނީ ނާކާމިޔާބުކޮށްލާފައެވެ. ފުރަތަމަ ހާފުގައި ޔޫވީގެ ފަރާތުން ފެނިގެންދިޔައީ ވަރަށް ޑިފެންސިވް ކުޅުމެކެވެ.
ދެވަނަ ހާފްގައި ފެނިގެންދިޔައީ ވެލެންސިއާ އިން ފުރަތަމަ ހާފަށް ވުރެ ކުޅުން ރަނގަޅުކޮށް ބޯޅަ ގިނަ ވަގުތު ހިފަހައްޓާލައިގެން ކުޅެމުންދިޔަ މަންޒަރެވެ. އެގޮތުން ޔޫވީގެ ގޯލަށް ވަނީ ނުރައްކާތެރި ގިނަ ހަމަލާތަކެއް ފޮނޮވާލާފައެވެ. ނަމަވެސް ދެވަނަ ލަނޑަށްފަހު ޔޫވީން މެޗްޑޮމިނޭޓްކޮށްގެން ކުޅުނުތަން ފެނިގެންދިޔައެވެ.
ދެވަނަ ހާފްފެށިގެން މެޗްގެ 51 ވަނަ މިނެޓުގައި ވެލެންސިއާ އިން ވަނީ މެޗްގެ ލީޑް ފުޅާކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ދަގަނޑޭ އެވެ. މެޗްގެ 69 ވަނަ މިނެޓުގައި ވެލެންސިއާގެ ސެންޓޭވަނީ އޭނާގެ ދެވަނަ ލަނޑު ކާމިޔާބުކޮށް ނަތީޖާ 3-0 އަށް ބަދަލުކޮށް ލީޑު އިތުރަށް ފުޅާކޮށްފައެވެ. މެޗުގެ 80 ވަނަ މިނެޓުގައި އަނެއްކާވެސް ވެލެންސިއާގެ ހަތަރުވަނަ ލަނޑު ކާމިޔާބުކޮށްދިނީ އެޓީމުގެ އަބްދުއްﷲ މިދުހަތު އެވެ.
ލީގުގައި ވެލެންސިގެ ފުރަތަ މެޗު ކުލަބު ގްރީން ސްޓްރީޓްސް ބައްދަލު ކޮށް މެޗު ވެލެންސިއާ އިން ކާމިޔާބު ކުރީ 1-0 ލަނޑުންނެވެ. ޔޫވީގެ ފުރަތަމެ މެޗު އެޓީމު 4-0 ލަނޑުން މާޒިޔާ އަތުން ވަނީ ބަލިވެފައެވެ.
