ފަސް މީހުންނާއެކު ދަތުރުކުރި މުދާ އުފުލާ ދޯންޏެއް ގއ. ދެއްވަދޫ ނެރުގެ ފައިކައްޓަށް އެރުމާ ގުޅިގެން އެމްއެންޑީއެފް އިން ހަރަކާތްތެރިވާން ފަށައިފިއެވެ.
ޤައުމީ ދިފާޢީ ބާރުން މީގެ އިރުކޮޅެއް ކުރިން މީޑިއާތަކަށް ހާމަކޮށްފައި ވާގޮތުގައި، "ގޮމަ" ނަމަކަށް ކިޔާ މި ދޯނި ފަރަށް އަރާފައިވާކަމުގެ މައުލޫމާތު އެ ބާރަށް ލިބުނީ މިއަދު ހެނދުނު 8:15 ހާ އިރުއެވެ.
އެމްއެންޑިއެފް އިން ފަހުން ހާމަކުރެއްވި ގޮތުގައި، މިދޯނީގެ ވެރިފަރާތުން އެހެން ދޯންޏެއް ހަމަޖައްސައިގެން، ފަރަށްއެރި ދޯނީގައި ހުރި މުދާތައް ހުސްކުރުމުގެ މަސައްކަތް ކުރަމުންދާއިރު، އެބާރުގެ ފަރާތުން ގެންދަވަނީ ދޯނީގެ ދިޔަވުން ކޮންޓްރޯލުކުރުމަށް ޕަމްޕް ޖައްސައިގެން މަސައްކަތް ކުރަށްވަމުންނެވެ.
މިހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަންވެސް ފާހަގަކޮށްލެވެއެވެ.
