ހުސްވި ނޮވެންބަރު މަހު ޕޯޗުގަލްގެ ފުޓްބޯޅަ ތަރިންގެ ވިދުންގަދަ މަހަކަށް ވެއްޖެއެވެ.
ޔޫރަޕުގެ މައްޝޫރު ލީގުގެ ތަކުގެ ތެރެއިން އިނގިރޭސި ލީގުގެ ހުސްވި މަހުގެ މޮޅު ކުޅުންތެރިޔަކީ މެންޗެސްޓަރ ޔުނައިޓެޑުގެ ބުރޫނޯ ފެނާންޑޭޒް އެވެ. އެ ލީގުގެ ސަޕޯޓަރުން ހޮވި އެންމެ މޮޅު ކުޅުންތެރިޔަކަށް ހޮވުނީ ލިވަޕޫލް އަށް ކުޅެމުން އަންނަ ޑިއެގޯ ޔޮޓާއެވެ. އަދި ހުސްވި މަހު ޕްރިމިއަރ ލީގުން ހޮވި އެންމެ މޮޅު ކޯޗަކީ ޓޮޓެންހަމްގެ ޕޯޗުގަލް ކޯޗު ހޯސޭ މޮރީނިޔޯ އެވެ.
އިޓާލިއަން ސެރިއާގެ ހުސްވި މަހުގެ މޮޅު ކުޅުންތެރިޔާގެ މަގާމު ހޯދީ ޕޯޗުގަލް ކެޕްޓަންް ޔުވެންޓަސްގެ ކްރިސްޓިއާނޯ ރޮނާލްޑޯއެވެ. ސްޕެނިޝް ލިގުގެ މޮޅުކުޅުން ތެރިޔާގެ މަގާމު ހޯދީ ޕޯޗުގަލްގެ އަރަމުން އަންނަ ޒުވާން ތަރި ޖާއޯ ފެލިކްސްއެވެ. ޔޫރަޕު ގަދަ ތިން ލީގުގައި މޮޅުކުޅުންތެރިންގެ ގޮތުގައި ޕޯޗުގަލްގެ ތަރިން ޑޮމިނޭޓް ކުރިއިރު ޕޯޗުގަލްގެ ތަރިން އަންނީ ޔޫރަޕްގައި ތަފާތު ދައްކަމުންނެވެ.
