ދިރާގު ދިވެހި ޕްރިމިއާ ލީގުގައި މިއަދު ހަވީރު ސުޕަ ޔުނައިޓެޑް ސްޕޯޓްސް (ސަސް) އާއި ކްލަބް ގްރީން ސްޓްރީޓްސް ވާދަކުރި މެޗު 0-0 އިން އެއްވަރުވެއްޖެއެވެ.
ލީގުގައި މިހާތަނަށް ކުޅުނު ހަތަރު މެޗުން ގްރީން ސްޓްރީޓްސް އަށް މޮޅެއް ލިބިފައެއްނުވެއެވެ. ފުރަތަމަ ޑިވިޝަނުގައި އަލަށް ވާދަކުރާ ސަސް އިން މިވަނީ ލީގުގައި ބަލިނުވެ ހަތަރު މެޗު ހަމަކޮށްފައެވެ. މިއަދު ލިބުނު ޕޮއިންޓާ އެކު ހަ ޕޮއިންޓް ހަމަކޮށް ސަސް ތާވަލުގެ ތިން ވަނަ އަށް ކުރިއަށް ޖެހިލިއިރު ގްރީން ސްޓްރީޓްސް ވަނީ ދެ ޕޮއިންޓާ އެކު ހަ ވަނަ އަށް ކުރިއަށް ޖެހިލާފައެވެ. ލީގުގެ އެއް ވަނައިގައި އޮތް މާޒިޔާ އާއި ދެ ވަނައިގައި އޮތް ވެލެންސިއާ އަށް ލިބިފައިވަނީ ހަ ޕޮއިންޓެވެ.
