ތުރުކީގެ ވެރިރަށް އިސްތަންބޯލުގައި ހުންނަ ސަޢުދީ އެމްބަސީގެ ތެރޭގައި އަނިޔާވެރިގޮތަކަށް މަރާލެވުނު ނޫސްވެރިޔާ ޖަމާލް ޚާޝޯގީގެ މަރުގެ ތަހުގީގުގެ ފުރިހަމަ ރިޕޯޓް ޢާންމުކުރަށްވާނެކަމަށް އެމެރިކާގެ އިންޓެލިޖެންސްގެ ވެރިއަކަށް، ބައިޑަން އިޚްތިޔާރުކުރަށްވާފައިވާ އެވްރިލް ހޭއިންސް ވަޢުދުވެވަޑައިގެންފިއެވެ.
އެމެރިކާގެ ޑިޕާޓްމަންޓް އޮފް ނޭޝަނަލް އިންޓެލިޖެންސް (ޑީއެންއައި) ގެ ވެރިޔާގެ މަޤާމަށް، ބައިޑަން އިޚްތިޔާރުކުރަށްވާފައިވާ އެވްރިލް މިފަދައިން ވިދާޅުވެފައި މިވަނީ އެކަމަނާއަށް ސެނެޓްގެ ރުހުން ހޯދުމަށް ކުރިއަށްދިޔަ ޖަލްސާގައި މެންބަރަކު ކުރެއްވި ސުވާލަކަށް ޖަވާބުދެއްވަމުންނެވެ.
"އާދެ، ސެނެޓަރ. އެއްވެސް ޝައްކެއް ނެތް، ޤާނޫނާ އެއްގޮތަށް ކަންތައް ކުރާނަން"
މަޤާމު ކަށަވަރުވެގެން ހިނގައްޖެ ނަމަ، ޚާޝޯގީ މަރުގެ ފަހަތުގައި ފޮރުވިތިބި އެޖަރީމާގެ ޒިންމާ ނަގަންޖެހޭ ބަޔަކު ބެލުމަށްޓަކައި، އެރިޕޯޓު ޤާނޫނުގައި ބުނެފައިވާގޮތަށް ކޮންގްރެސްއާ ހިއްސާކުރަށްވާނަންތޯ ސެނެޓަރަކު ކުރެއްވި ސުވާލަށް ޖަވާބުދެއްވަމުން އެވްރިލް ވިދާޅުވިއެވެ.
This is huge: Incoming DNI, Avril Haines, just committed to releasing an unclassified report on the brutal murder of Jamal Khashoggi. For two years, I've been fighting for transparency and accountability for those responsible. We are closer than ever to getting #JusticeForJamal. pic.twitter.com/FNSarsF4Ce
— Ron Wyden (@RonWyden) January 19, 2021
ސަޢުދީ ޢަރަބިއްޔާއަށް އުފަން އެހެންނަމަވެސް ފަހުން ރައްޔިތުކަންވެސް ބަދަލުކުރަށްވައި ޤައުމުން ބޭރުގައި އަމިއްލައަށް އަރުވާލެވިގެން އުޅެނިކޮށް ޚާޝޯގީ މަރާލި މައްސަލާގައި، ސަޢުދީގެ ވަލީޢަހުދު މުޙައްމަދު ބިން ސާލްމާނަށް ބޮޑެތި ތުހުމަތުތަކެއް ކުރެވިފައި ވީނަމަވެސް، އެމްބީއެސް އެކަން ދޮގުކުރަށްވައެވެ.
