މޯލްޑިވްސް ކަރެކްޝަނަލް ސާރވިސްގެ ދަށުން ބެލެހެއްޓޭ މާފުށީ ޖަލުގެ ވެރިއަކަށް އެސާރވިސްގެ އޭއެސްޕީގެ މަޤާމުގައި ހުންނެވި އަޙްމަދު ޖާދުﷲ ހަމަޖައްސަވައިފިއެވެ.
އެސިސްޓެންޓް ސްޕްރިންޑެންޓެންޓް އޮފް ޕްރިޒަންސް ގެ މަޤާމުގައި ހުންނެވި ޖާދުﷲ މާފުށީ ޖަލުގެ ޑައިރެކްޓަރ އޮފް ޕްރިޒަންގެ މަޤާމަށް މިއަދު ހަމައްޖެއްސެވިކަން ހާމަކުރަށްވާފައި ވަނީ ކޮމިޝަނަރ އޮފް ޕްރިޒަން އަޙްމަދު މުޙައްމަދު ފުޅު ކުރެއްވި ޓްވީޓެއްގައެވެ.
ކޮމިޝަނަރ ކުރެއްވި މި ޓްވީޓުގައި، މާފުށީ ޖަލުގެ ވެރިއަކަށް ކުރިން ހުންނެވި އެސިސްޓެންޓް ސްޕްރިންޑެންޓެންޓް އޮފް ޕްރިޒަންސް އަޙްމަދު ރިޔާޒުގެ ޚިދުމަތައް ޝުކުރުއަދާކުރަށްވާފައި ވާކަންވެސް ފާހަގަކޮށްލެވެއެވެ.
