އިންގްލިޝް ޕްރިމިއާ ލީގުގައި ބްރައިޓަން އިން ޓޮޓެންހަމް ބައްދަލުކުރި މެޗް ބްރައިޓަންއިން ކާމިޔާބުކޮށްފިއެވެ.
މިމެޗް އެޓީމުން ކާމިޔާބުކުރީ 1-0 ލަނޑުންނެވެ. މެޗްގެ ހަމައެކަނި ގޯލް 17 ވަނަ މިނެޓްގައި ކާމިޔާބުކޮށްދިނީ ބެލްޖިއަމްގެ މިޑްފީލްޑަރު ޓްރަސާދު އެވެ. މިމެޗްގައި ބްރައިޓަންއިން ވަނީ މޮޅު ކުޅުމެއްދައްކާ ގިނަ ހަމަލާތަކެއް އުފައްދާފައެވެ. މިގޮތުން ޓޮޓެންހަމްއަށްވުރެ 2 ގުނަ ގިނަ ހަމަލާ ބްރައިޓަން އިން އުފައްދާފައިވެއެވެ. މިމެޗްގައި އަނިޔާގެ ސަބަބުން ޓޮޓެމްހަމްގެ ފޯވާޑް ހެރީ ކޭން ނުކުޅެއެވެ.
