ދ.ކުޑަހުވަދޫއަށް ބޯކޮށްވާރޭވެހި ފެންބޮޑުވުމާއި ގުޅިގެން ފެން ހިއްކުމުގެ މަސައްކަތް އެމްއެންޑީއެފް އިން ފަށައިފިއެވެ.
އެމްއެންޑީއެފްއިން ބުނީ ދ.ކުޑަހުވަދޫއަށް ރޭގައި ކުރި ވިއްސާރައިގައި އެރަށުގެ ބައެއް ސަރަހައްދުތަކުގައި ފެން ބޮޑުވުމާއި، ގުޅިގެން، ފެން ހިއްކުމުގައި އެމްއެންޑީއެފް ސެންޓްރަލް އޭރިޔާ ކޮމާންޑް ކުޑަހުވަދޫ ޕޯސްޓުގެ ސިފައިން ކުރަމުންދާކަމަށެވެ. މި ވިއްސާރައިގައި އެރަށުގެ ބައެއް ގޭގެއަށް ފެންވަދެ ބައެއް ގޭގެއަށް ގެއްލުންވެފައިވާކަމަށް އެރަށު މީހުން ބުނެއެވެ.
މިދުވަސްވަރަކީ މެދުރާއްޖެތެރެއަށް ވިއްސާރަވެ ބޯކޮށް ވާރޭވެހޭ ދުވަސްވަރެކެވެ.
