ގިނަ އަހަރުތަކެއްގައި ސައުދީ އަރަބިއްޔާގެ އޮއިލް މިނިސްޓަރުކަން ކުރެއްވި އަހުމަދު ޒަކީ ޔަމާނީ އަވަހާރަވެއްޖެ އެވެ.
ސައުދީ ރަސްމީ ޓީވީން އިއުލާނުކުރި ގޮތުގައި އުމުރުންފުޅުން 90 އަހަރުގައި ޔަމާނީ ލަންޑަނުގައެވެ.
ސައުދީ ކެބިނެޓުގައި 1962 ވަނަ އަހަރުން ފެށިގެން 1986 ވަނަ އަހަރާ ހަމައަށް އޮއިލް މިނިސްޓަރުކަން ކުރައްވާފައިވާ ޔަމާނީގެ ޖަނާޒާ ބާއްވައި، ފަސްދާނުލާނީ، ސައުދީ ސަރުކާރުން ބުނިގޮތުގައި، މައްކާގެ މާތް ބިމުގައެވެ.
ޔަމާނީ އަކީ އޯޕެކްގައި ސައުދީ ތަމްސީލުކުރައްވައި، ސައުދީގެ މަގާމު ވަރުގަދަކުރެއްވުމުގެ މުހިއްމު މޭސްތިރިއެކެވެ. އަދި 1972 ވަނަ އަހަރު ކުރިމަތިވި އޮއިލް ކްރައިސިސްގައި މުޅި ދުނިޔޭގެ މަގުބޫލުކަން ހޯއްދެވި ހިކުމަތްތެރިއެއްގެ ގޮތުގައި އޭނާ ވަނީ މަޝްހޫރުވެފައެވެ.
ސައުދީގެ ބައެއް މީޑިޔާތަކުން ޔަމާނީގެ އަވަހާރަވުން ސިފަކޮށްފައިވަނީ "ސައުދީގެ ތެލުގެ ސިކުނޑި" މަރުވުން ކަމަށެވެ.
