ފުލުހުންގެ ހިދުމަތުގައި މަސައްކަތްކުރާ މުވައްޒަފުންގެ 90 ޕަސެންޓަށް ވުރެ ބޮޑު ބަޔަކަށް ކޮވިޑް ވެކްސިން ދީފި އެވެ.
ކޮމިޝަނަރު އޮފް ޕޮލިސް، މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ ޕޮލިސް ވޯކްފޯސްގެ 92 ޕަސެންޓަށް ކޮވިޑް-19 ވެކްސިންގެ ފުރަތަމަ ޑޯޒް މިހާރު ދެވިފައިވާ ކަމަށެވެ. ފުލުހުންނަށް ވެކްސިން ދިނުމުގެ ކަންތައް ކުރިއަށް ގެންދަނީ ޕޮލިސް މެޑިކަލްގެ ބެލުމުގެ ދަށުންނެވެ.
ކޮމިޝަނަރ ހަމީދު ވިދާޅުވީ ދުނިޔޭގެ ސިއްހަތު ޖަމިއްޔާއިން ކުރިއަށް ގެންދިޔަ ކޮވިޑް-19 ޕީސީއާރް ލެބޯޓްރީ ޕްރޮފެޝެންސީ ޓެސްޓިންގެ ގްލޯބަލް ރައުންޑުން ފުލުހުންގެ ފޮރެންސިކް ސާވިސްގައި ހުރި ޑީއެންއޭ ލެބޯޓަރީ ފާސްވެފައިވާ ކަމަށެވެ.
މިހާރު ރާއްޖޭގައި ދެމުން އަންނަނީ ޗައިނާގެ ސައިނޯފާމް ވެކްސިން އެވެ.
