ވައްކަން ކުރާ ސަރުކާރަކާއެކު އެމްޑީޕީ އޮންނާކަށް ނޭދޭނެކަމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ކޯވިޑް-19އާއި ގުޅިގެން ރާއްޖެއަށް ގެންނަން އުޅުނު ވެންޓިލޭޓަރުތަކުގެ ކޮރަޕްޝަންގެ މައްސަލައާއި ދަޢުވާ ނުކުރަން ޕީޖީން ނިންމެވި މައްސަލަ ހޫނުވެފައިވަނިކޮށް ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ވެންޓިލޭޓަރުގެ މައްސަލަ މަތިޖެހުނަ ދީފިނަމަ ރާއްޖޭގެ ރައްޔިތުންނަށް އިތުރަށް ލިބޭނެ ގެއްލުން ބޮޑުކަމަށެވެ. އަދި ސަރުކާރު މިކަމުގައި ބައިވެރިވާތަން ފެންނަކަމަށާއި، ވައްކަން ކުރާ ސަރުކާރަކާއެކު އެމްޑީޕީ އޮންނާކަށް ނޭދޭނެކަމަށް ރައީސް ނަޝީދު ވިދާޅުވިއެވެ. އަދި މިކަމުގައި ދޫނުދެއްވާނެކަމަށް ރައީސް ނަޝީދު ވިދާޅުވިއެވެ.
ވެންޓިލޭޓަރުތަކުގެ މައްސަލާގައި ދައުވާކުރެވޭނެ މިންވަރަށް ހެކި ނެތްކަމަށް ޕްރޮސެކިއުޓަރ ޖެނެރަލް ޙުސައިން ޝަމީމް ވިދާޅުވުމާއި ގުޅިގެން ރައީސް ނަޝީދު ވަނީ ޕީޖީ ޝަމީމް އިސްތިއުފާދެއްވުމަށްވެސް ގޮވާލައްވާފައެވެ. މިކަމާ ގުޅިގެން ޕީޖީ ޝަމީމް ވިދާޅުވީ، ރައީސް ނަޝީދަކީ އެމަނިކުފާނު ވަރަށް އިހްތިރާމް ކުރައްވާ ބޭފުޅެއްކަމަށާއި ރައީސް ނަޝީދު އެއްޗެއް ވިިދާޅުވުމުން އެއަށް ރައްދު ދިނުމަކީ ކުރައްވާނެކަމެއް ނޫންކަމަށެވެ.
One Response
ވޯޓުނުދޭނަން ނަސީދަކަށް