މިސްކިތްތަކަށް އެއްގޮތަކަށްވެސް ނުވަދެވޭގޮތަށް މިހާ ހަރުކަށިކޮށް މިސްކިތްތައް ބަންދު ކުރުމަކީ އެއްގޮތަކަށްވެސް ބަލައިގަނެވޭނެކަމެއް ނޫންކަމަށް ރާއްޖޭގެ ގިނަބައެއްގެ ލޯބި ހޯދާފައިވާ އަލީ ރަމީޒު ވިދާޅުވެއްޖެއެވެ.
އަލީ ރަމީޒު ސޯޝަލް މީޑިއާގައި އާންމުކުރެއްވި ޕޯސްޓެއްގައިވަނީ އަޅުގަނޑުމެންގެ ތެރެއިން ގިނަ މީހުން ދިރިއުޅޭ ތަންތަނަކީ ފަސޭހައިން ނަމާދު ކުރެވޭ ގޮތަށް ހުންނަ ތަންތަނެއް ނޫންކަމަށެވެ. އެހެންކަމުން މިސްކިތްތައް ހުޅުވުމަށް އަލީ ރަމީޒްގެ މި ޕޯސްޓުގައި ވަނީ ގޮވާލާފައެވެ.
މާލޭގައި ކޮވިޑްގެ ހާލަތު ގޯސްވެ ކޮންޓްރޯލް ނުވުމުން ބަލި ކޮންޓްރޯލް ކުރުމަށް ސަރުކާރުން ވަނީ ހަރުކަށި ފިޔަވަޅުތަކެއް އަޅާފައެވެ. މީގެތެރޭގައި މިސްކިތްތައް ބަންދުކުރުންވެސް ހިމެނެއެވެ. އަދި މިދުވަސްކޮޅު ހުއްދަނެތި އެއްވެސް މީހަކު ގެއިން ބޭރަށް ނިކުތުމަކީ މަނާކަމެކެވެ.
ނަމަވެސް ބޭރުގައި އުޅުމުގެ ހުއްދައާއެކު މިސްކިތައް އެރި މީހަކު މިއަދު 1000 ރުފިޔާއިން ވަނީ ޖޫރިމަނާކޮށްފައެވެ. މިސްކިތައް އަރައިގެން ޖޫރިމަނާ ކުރުމަކީ ބަލައިގަނެވޭނެ ކަމެއް ނޫންކަމަށް ބުނެ ގިނަބަޔަކު ދަނީ ކަންބޮޑުވުން ފާޅުކުރަމުންނެވެ.
One Response
ޓިޔަގޮތައް ކަންކަމުގައިމީހަކައްގޮތަކައް ގޮވައިހަޅޭލެވީމައި ގައުމށްވާގޮތެއްނުފެނޭތަ