އިލެކްޝަންސް ކޮމިޝަނުގެ ރައީސް އަހުމަދު ޝަރީފް އިސްތިއުފާދެއްވައިފިއެވެ.
މިކަން ހާމަކުރެއްވީ ޝަރީފް ކުރެއްވި ޓްވީޓެއްގައެވެ. އިސްތިއުފާ ދިންކަން ހާމަކޮށް ޝަރީފް ކުރެއްވި ޓްވީޓެއްގައި ވިދާޅުވީ އިލެކްޝަނުން އިސްތިއުފާ ދިނީ ވޭތުވެދިޔަ ތިން އިންތިހާބުގައި އިހްލާސްތެރިކަމާއި އަމާނާތްތެރިކަމާއިއެކު މަސައްކަތް ކޮށްދެވުނު ކަމުގެ ހިތްހަމަޖެހުމާއި އެކުގައި ކަމަށެވެ. ކުރިމަގުގައި ވެސް ރައްޔިތުންގެ ހިދުމަތްތަކުގައި ފެންނާނެ ކަމަށް ޝަރީފްގެ ޓްވީޓްގައި ވިދާޅުވިއެވެ.
Elections Commission ge member kamun miadhu alhugandu isthiufaa dheefin, veythuve dhiya thin inthikhaab ga ikhlaastheri amaanaitheri kamaa eku masaikai kohdhevunu kamuge hinhama jehun libunu, kurimagu ga ves rayyithun ge khidhmathuga fennaane in shaa Allah
— Ahmed Shareef (@ShareefRangondi) June 15, 2021
އިލެކްޝަންސް ކޮމިޝަނުން ޝަރީފް އިސްތިއުފާދެއްވި ސަބަބެއް ހާމަކުރައްވާފައެއް ނުވެއެވެ.
އިލެކްޝަން ކޮމިޝަނަށް އައްޔަން ކުރުމުގެ ކުރިން ޝަރީފް ހުރީ ރައީސް ޔާމީންގެ ސަރުކާރުގައި ފެނަކަ ކޯޕަރޭޝަންގެ މެނޭޖިންގ ޑިރެކްޓަރުކަމުގެ މަޤާމުގައެވެ. އޭގެކުރިން ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރުކަން ވެސް ޝަރީފް ކުރެއްވިއެވެ.
