މާލޭފަޅުގައި އަޅާފައިއޮތް ލޯންޗްތަކެއްގައި އަލިފާންރޯވެއްޖެއެވެ.
އަލިފާން ރޯވެފައިވަނީ މާލޭ މޭރީބްރައުން ކުރިމަތީ ފަޅުތެރޭގައި އަޅާފައިއޮތް ލޯންޗުތަކެއްގައެވެ. މިހާދިސާގައި 3 ލޯންޗެއްގައި އަލިފާން ރޯވިކަމަށް އެމްއެންޑީއެފުން ބުނެއެވެ. މިހާދިސާގެ މަޢުލޫމާތު އެމްއެންޑީއެފަށް ލިބުނީ މިއަދު 6:13 ގައި ކަމަށާއި އަލިފާންގަނޑު މިހާރު ނިއްވާލާފައިވާކަމަށް އެމްއެންޑީއެފުން މަޢުލޫމާތުދެއެވެ. މިހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށް އެމްއެންޑީއެފުން ބުނެއެވެ.
އަލިފާން ރޯވި 3 ލޯންޗްގެ ތެރެއިން 1 ލޯންޗް ވަނީ ވަރަށް ބޮޑަށް އަނދާފައެވެ. އަލިފާން ރޯވިތާ ކުޑަ އިރުކޮޅެއްގެ ތެރޭގައި އެމްއެންޑީއެފުން ވަނީ އަލިފާންގަނޑު ނިއްވާލާފައެވެ. މިހާދިސާ ހިނގަން މެދުވެރިވި ސަބަބެއް އެމްއެންޑީއެފުން އަދި ހާމައެއް ނުކުރެއެވެ.
