ޑޮލަރު ހޯދައިދޭނެކަމަށް ބުނެ މަކަރާއި ހީލަތުން ބިދޭސީއެއްގެ އަތުން ފައިސާ އަތުލާފައިވާ މައްސަލައަކާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަކަށް މީހަކު ހޯދުމަށް ޢާންމުންގެ އެހީތެރިކަމަށް އެދިއްޖެ އެވެ.
ފުލުހުންގެ ރަސްމީ ވެބްސައިޓްގެ އިތުރުން ޓްވިޓަރ އަތްގަނޑުންވެސް ވީޑިއޯ ފުޓޭޖެއް ޢާންމުކުރުމަށްފަހު ހާމަކޮށްފައިވާ ގޮތުގައި އެ ވީޑިއޯގައި ފެންނަ މީހާއަކީ، މަކަރާއި ޙީލަތުން ފައިސާ އަތުލާފައިވާ މި މައްސަލައާ ގުޅިގެން ފުލުހުންގެ ތަހުގީގަށް ހޯދަމުން ގެންދާ މީހެކެވެ.
އަދި، މި މައްސަލައިގެ އިންސިޓެންޑް ނަންބަރަކީ 485538 ކަމަށާއި، އޭނާއާބެހޭ އެއްވެސް މަޢުލޫމާތެއް ލިބިފައި ވާނަމަ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި މައްސަލައިގެ އިންސިޑެންޓް ނަންބަރާއެކު އެ މައުލޫމާތެއް ހިއްސާކުރެއްވުން ޢާންމުންގެ ކިބައިން ފުލުހުން އެދިފައި ވެއެވެ.
ޑޮލަރު ހޯދައިދޭނެކަމަށް ބުނެ މަކަރާއި ހީލަތުން ފައިސާ ހޯދާފައިވާ މައްސަލައެއްގައި މީހަކު ހޯދަނީ
މިމީހާއާބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި ހިއްސާކުރެއްވުން އެދެން.https://t.co/f0dE10uGa3 pic.twitter.com/cPOvo7kNXr
— Maldives Police (@PoliceMv) June 22, 2021
ފްރޯޑް ކޯލްތައްކޮއްގެންނާއި، ފޭކް ސްލިޕްތައް ހަދައިގެންނާއި އަދި ޑޮލަރު ވިއްކާނެކަމަށް ބުނެ އޮޅުވާލައިގެން ޢާންމުންގެ އަތުންނާއި ވިޔަފާރިވެރިންގެ އަތުންވެސް ގިނަ ޢަދަދަކަށް ފައިސާ އަތުލަމުން ދެއެވެ.
ދާދިފަހުން ފުލުހުން ހާމަކޮށްފައިވާ ތަފާސް ހިސާބުތަކުން ދައްކާގޮތުގައި ހަމައެކަނި މިއަހަރުގެ ޖޫން މަހުގެ 15 އާ ހިސާބަށް ބެލިނަމަވެސް 4 މިލިއަނަށްވުރެ ގިނަ ޢަދަދެއްގެ ރުފިޔާ މަކަރާއި ޙީލަތުން މީހުންގެ އަތުން އަތުލާފައި ވޭމެއެވެ.
One Response
ޢަހުމަދު ހުނޭނު، މ. ފާގަތިގެ ،މާލެ، މި އީ އެންމެނަށް އެނގިގެން އެތައް ބައެއް އަތުން ޑޮލަރު ހޯދައދޭނަމޭ ބުނެ ފައިސާ ނަގާ ފޮލިހުންނަަަށް ތަޖުރާރުކޮށް މައްސަލަ ހުށަހެޅިފަވާ މީ ހެއް. ޙުނޭނުގެ ހުރިހާ މައުލޫމާތެއް ކަމާ ބެހޭ ފަރާތަތަކުގަ އެބަހުރި. ކީއްވެތޯ ފިޔވަޅު ނާޅަނީ.