ރައީސް އިބްރާހީމް މުހައްމަދު ސޯލިހު، ދިރިއުޅުއްވާ މުލިއާގޭ ކައިރިއަށް ދިޔަ ދެ މީހަކު ގެންގުޅުނު ފޮށިގަނޑެއްގައި ބޮމެއް އޮތް ކަމަށް ބުނެ އިންޒާރު ދިނުމުން އެމީހުން ހައްޔަރުކޮށް ސިފައިންނާ ފުލުހުން ހަރަކާތްތެރިވާން ފަށައިފިއެވެ.
މުލިއާގެ ކައިރިއަށް ދެމީހަކު ދަބަހަކާއ ރަތް ކޮތަޅެއް ހިފައިގެން ގޮސް އެތަން ގޮއްވާލާނެކަމަށް ބުނެ އިންޒާރުދީ އަޑުގަދަކުރަން ފެށުމުން، މުލިއާގެ ސެކިއުރިޓީން ވަނީ އެދެމީހުން ހިފަހައްޓާފައެވެ. އަދި ފުލުހުންގެ ޚާއްޞަ ޓީމެއް އެސަރަހައްދަށްގޮސް އެދެމީހުން ގެންގުޅުނު ތަކެތި ފާސްކޮށް، އެމީހުން ހައްޔަރުކޮށްގެން ވަނީ ގެންގޮސްފައެވެ.
މިކަމާއި ގުޅިގެން ފުލުހުން ބުނީ، ޓެރަރިސްޓް ހަމަލާއެއް ދޭނެކަމުގެ އިންޒާރުދިން ދިނުމާއި ގުޅިގެން ފުލުހުންނާއި ސިފައިން ހަރަކާތްތެރިވަމުން އަންނަކަމަށެވެ.
