ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އަނބިކަނބަލުން ފަޒްނާ އަޙްމަދު، ސްރީލަންކާއަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު މިއަދު ހެނދުނު އެނބުރި މާލެ ވަޑައިގެންފިއެވެ.
މިދަތުރުފުޅުގައި، ރައީސުލްޖުމްހޫރިއްޔާ ވަނީ ސްރީލަންކާގެ ރައީސް ގޮތާބަޔާ ރާޖަޕަކްސަގެ އަރިހަށް އިޙްތިރާމުގެ ޒިޔާރަތެއް ވެސް ކުރައްވާފައެވެ.
ރައީސުލްޖުމްހޫރިއްްޔާ ސްރީލަންކާއަށް ވަޑައިގަތީ މިމަހުގެ 20 ވަނަ ދުވަހުއެވެ. މީގެ ކުރިންވެސް ރައީސް ސޯލިހު ވަނީ އީދު ޗުއްޓީއާ ދިމާކޮށް ލަންކާއަށް ޒިޔާރަތް ކުރައްވާފައެވެ.
