ކޮމިޝަނަރ އޮފް ޕްރިޒަންސް ވަނީ މަޤާމުގެ އިޤްރާރާއި ޚިލާފުވެ، މަޤާމުގެ މަސްއޫލިއްޔަތުތަށް އަދާކުރުމުގައި ނުކުޅެދިފައިކަމަށް މަޝްހޫރު ދިފާއީ ވަކީލު ޝަޒީމް ވަހީދު ވިދާޅުވެއްޖެއެވެ.
ލޯޔަރު ޝަޒީމް މިރޭ ކުރެއްވި ޓްވީޓެއްގައި ވިދާޅުވެފައިވަނީ، ޤައިދީންނާމެދު ޢަމަކުރަންޖެހޭ ޤާނޫނާއި ޤަވާޢިދުތަކާއި އުޞޫލުތަކާއި ކޮމިޝަނަރ އޮފް ޕްރިޒަންސް މުޅިން ޚިލާފުވެފައިވާ ކަމުގައެވެ. ޝަޒީމްގެ މި ޓްވީޓަކީ ކޮމިޝަނަރ އޮފް ޕްރިޒަންސް އަހުމަދު މުޙައްމަދުފުޅު ކުރެއްވި ޓްވީޓަކަށް އަމާޒުކުރައްވާ ކުރެއްވި ޓްވީޓެއްކަމަށް ބެލެވެއެވެ.
ކޮމިޝަނަރ އޮފް ޕްރިޒަންސް ވަނީ މަޤާމުގެ އިޤްރާރާއި ޚިލާފުވެ، މަޤާމުގެ މަސްއޫލިއްޔަތުތަށް އަދާކުރުމުގައި ނުކުޅެދިފައި. ޤައިދީންނާމެދު ޢަމަކުރަންޖެހޭ ޤާނޫނާއި ޤަވާޢިދުތަކާއި އުޞޫލުތަކާއި މުޅިން ޚިލާފުވެފައި.
— Lawyer Shazeem (ލޯޔަރ ޝަޒީމް) (@ShazeemWaheed) September 10, 2021
ކޮމިޝަނަރ އޮފް ޕްރިޒަންސް އަހުމަދު މުޙައްމަދުފުޅު މިރޭ ކުރެއްވި ޓްވީޓެއްގައި ވިދާޅުވެފައިވަނީ ކުރީގެ ރައީސް ޔާމީން މިއަދު ޢަމަލުކުރެއްވީ ގޭ ބަންދުކޮށްފައިވާ އިޤްރާރާ ޚިލާފަށް ކަމަށެވެ.
ކުރީގެ ރައީސް ޢަބްދުﷲ ޔާމީން ޢަބްދުލް ޤައްޔޫމް މިއަދު ޢަމަލުކުރެއްވީ ގޭ ބަންދުކޮށްފައިވާ އިޤްރާރާ ޚިލާފަށް. އެހެންކަމުން މި މައްސަލަ ބަލާ، ފިޔަވަޅު އަޅާނަން.
— Ahmed Mohamed (@ahumadhumohamed) September 10, 2021
ޤާނޫނީ ވަކީލު ޝަޒީމު ވަހީދަކީ ޖިނާޢީ ބޮޑެތި މައްސަލަތަކުގައި ވަކާލާތުކުރައްވާ ކުޅަދާނަ ޤާނޫނީ ވަކީލެކެވެ. އަދި ޖަލަށް ވަޑައިގެން ޤައިދީންނާ ބައްދަލުކޮށް ޖަލުގެ ހާލަތު ރަނގަޅަށް އެނގޭ ވަކީލެކެވެ. ޤައިދީންގެ ބޭސްފަރުވާގެ ޝަކުވާ ކޯޓުތަކާއި ކަމާ ބެހޭ މުވައްސަސާތަކުގައި އެންމެ ގަދަޔަށް ދައްކަވާ ބޭފުޅަކީ ޝަޒީމްކަން ފާހަގަކޮއްލެވެއެވެ.
