" ބައްޗާ ބާޒީ" އަކީ 9 ވަރަކަށް އަހަރުއްސުރެ ޅަފިރިހެންކުދިން ލައްވާ އަންހެންހެދުން އަޅުވައިގެން ބޮޑެތި ފިރިހެނުންގެ ޖަލްސާތަކުގައި އައްޔާޝީކޮށް ނަށާ ހެދުވުމަށް ކިޔާނަމެކެވެ. އަފްގާނިސްތާނުގެ މުސްކުޅި ޒަމާނުއްސުރެ މިއަދާ ހިސާބަށް ދެމިގެން އާއްސައޮތް ނުބައި ސަގާފަތެކެވެ.
މިކުޑަފިރިހެންކުދިން ވަރަށް ކުޑައިރު އާއިލާ އިން ގަނެގެން ނުވަތަ ޖަހައިގަނެގެން އަފްގާނިސްތާނުގެ މުއްސަނދިންނާއި ބާރުގަދަ މީހުން އެކުދިން ލައްވާ "ބައްޗާ ބާޒީ" ކުޅުވައެވެ. އަދި ގިނަފަހަރަށް އެކުދިންނަށް އެމީހުން ޖިންސީ ގޯނާ ކުރެއެވެ. އެކުޑަކުދިން ހައްލައިލައިގެން އެކުދިންނަށް ޖިންސީ ގުޅުންހިންގައެވެ. އަދި އެކުދިން ނުރުހިއްޖެނަމަ ގަދަ ކަމުން ރޭޕްކޮށް އަދި މާރާލާފަވެސް އެބަހުއްޓެވެ.
ތާލިބާނުން ފުރަތަމަ ވެރިކަމަށް އައިއިރު މިކަން އޮތީ ޒަމާނުއްސުރެ އެގައުމުގެ އާދަކާދަ އެއްގޮތުގައެވެ. ނަމަވެސް ތާލިބާނުން އެކަން މަނާކުރިއެވެ. ދެން އެކަން އޮތީ ވަގަށް ކުރާކަމެއްގެ ގޮތުގައެވެ. ތާލިބާނުންގެ ބައެއް ވެރިންވެސް ވަގަށް "ބައްޗާ ބާޒީ" ގެންގުޅުން ކަމަށް ވެއެވެ.
ނަމަވެސް އެމެރިކާއިން ތާލިބާނުން ބަލިކޮށް އަފްގާނިސްތާން 2001 ގައި ހިފިފަހުން "ބައްޗާ ބާޒީ" ފާލުގައި ކުޅުން އާންމުވާން ފެށިއެވެ. އެމެރިކާއަށް ވާގިދޭ އަފްގާނިސްތާނުގެ ހަނގުރާމަވެރިން ފާޅުގައި "ބައްޗާ ބާޒީ" ކުޅެންފެށިއެވެ. އެމެރިކާގެ ސިފައިންގެ ވެރިން އެންގީ އެއީއެމީހުންގެ ސަގާފަތެއް ކަމަށާއި އެކަމާ އަޅާ ނުލުމަށެވެ. ނަމަވެސް އެމެރިކާގެ ބޭސް ތަކުގައި އަފްގާނިސްތާނުގެ ހަނގުރާމަވެރި ލީޑަރުން ކުޑަ ފިރިހެން ކުދިންގެނެސް އެނދުގައި ޗޭނު ޖަހައިގެން ގެންގުޅޭތަން ފެނިގެން ބައެއް އެމެރިކާ ސިފައިން އެމީހުނާ ޖަދަލުކުރުމުން އެސިފައިން އަނބުރާ ގައުމަށް ފޮނުވާލާފަވެސް އެބަހުއްޓެވެ.
އެމެރިކާ އިން އަފްގާނިސްތާނު ހިފުމުން އެންމެ ބޮޑު ފައިދާ އެއްނެގީ ކޮރަޕްޓް ލީޑަރުން ތަކަކާ ބައްޗާބާޒީ ކުޅޭމީހުނެވެ. އެތައް ގެޔަކުން އެމީހުންގެ ފިރިހެން ދަރިންތައް ގެންދާއިރު އާއިލާއަށް ކުރެވޭނެ މާބޮޑުކަމެއް ނެތެވެ. އެމެރިކާއިން އުފެއްދި ސަރުކާރުގެ ގިނަ މީހުން ބައްޗާބާޒީ ކުޅޭކަމަށް އަފްގާނިސްތާނުގެ އިންސާނީ ހައްގުތަކާ ބެހޭ އިދާރާއިންވެސް ރިޕޯޓްކޮށްފައި އެބަހުއްޓެވެ. އަދި އެކަމުގެ ސަބަބުން އެކުދިންނަށް އެތައް ޖިސްމާނީ އަދި ނަފްސާނި ގެއްލުމެއް ޅައުމުރުގައިވެއެވެ. އެމެރިކާއިން އުފެއްދި ސަރުކާރު ވެއްޓުމުގައި ކޮރަޕްޝަން އަދި "ބައްޗާ ބާޒީ" އަކީ ވަރަށް ބޮޑު ދެސަބަބެވެ.
އެހެނީ ބައްޗާ ބާޒީ ކުޅެން ގެންދާ ކުދިންނަށް އެތައް ގެއްލުމެއްދީ އެކުދިން ކިޔެވުމުން މަހްރޫމުކޮށް ހަދާއިރު އެކުދިންގެ އާއިލާތަށް ތިބެނީ ހިތާމަކޮށް ކޮށެވެ. އެންމެ ފަގީރުންގެ ޅަފިރިހެންކުދިން ވަގަށްނަގައިގެން ބާއްޗާ ބާޒީގެ ނަމުގައި ކުޑަކުދިންނާ ބެހެނީއެވެ.
ބައްޗާ ބާޒީ އަކީ އޭޝިއާގެ ގައުމުތަކުގައި ވަރަށް އިހުޒަމާނުއްސުރެ އޮތް ސަގާފަތެކެވެ. އަންހެނުންނަށް ނެށުމާއި ހުރިހާ ކަމެއް މަނާކޮށްޅަފިރިހެން ކުދިންލައްވާ އަންހެން ހެދުން އަޅުވައިގެން ނެށުމަކީ ކުރިން ރާއްޖޭގައިވެސް އޮތް ގަނޑުވަރުގެ ކުޅިވަރެކެވެ. މުހައްމަދު އަމީނާ ޖެހެންދެން ގިނަވެރިން އަތްގާތްކޮށްދޭން ޅަފިރިހެންކުދިން ގެންގުޅުނެވެ. މުހައްމަދު އަމީނު އަންހެނުން ކުރިއަރުވާ ކިޔަވައިދީ މަޝްހޫރު ކުރިއެވެ. އަދި އޭގެ ސަބަބުން އެބައިމީހުން ވަރަށް ބޮޑަށް މުހައްމަދު އަމީން ދެކެ ކޯފާވިއެވެ. މުހައްމަދު އަމީނުވެސް މިމީހުނާ ބެހޭގޮތުން ފޮތްތަކުގައި މަކުނު ކުޅި ކުޅޭ ބަޔެކޭ ލިޔެފައިހުއްޓެވެ.
ރާއްޖޭގެ މިސަގާފަތް ހިނދުނުނަމަވެސް ކުޑަކުދިންނާ ބެހުން އަދިވެސް އޮތީ ހައްދުފަހަނަ އަޅާފައެވެ. އަދި އެންމެ ހެއްވާކަމަކީ މިކަން ހުއްޓުވާކަށް މާބޮޑަކަށް ސިޔާސީ މީހުނެއްވެސް އަދި ދީނީ މީހުނެއްވެސް ވަކާލާތެއް ނުކުރެއެވެ. އަފްގާނިސްތާނުގައި ތާލިބާނުގެއަލަށް ފެށިވެރިކަމުގައި "ބައްޗާ ބާޒީ" ވާނެ ގޮތެއް ބަލަން ތިބެމާހެވެ.
