ލޯންޗަކާއި، ޑިންގީއެއް ޖެހި ހިނގި އެކްސިޑެންޓެއްގައި 2 މީހަކަށް އަނިޔާވެ ފަރުވާދޭން ފަށައިފިއެވެ.
ފުލުހުން ވިދާޅުވީ، މިރޭ 18:50 ހާއިރު ވިލިމާލެ ދެކުނުފަރާތުން ލޯންޗަކާއި ޑިންގީއެއްޖެހި އެކްސިޑެންޓެއް ހިނގާފައިވާ ކަމުގެ މައުލޫމާތު ފުލުހުންނަށް ލިބިފައިވާކަމަށެވެ. މި އެކްސިޑެންޓްގައި ދެ ފިރިހެނަކަށް ވަނީ އަނިޔާވެފައެވެ. އަދި އެކްސިޑެންޓްވި ޑިންގީ ވަނީ އަޑިއަށް ގޮސްފައެވެ. މި ހާދިސާގައި ދެ ފިރިހެނަކަށް އަނިޔާވެގެން އައިޖީއެމްއެޗްއަށް ގެންގޮސްފައިވާ ކަމަށް އޮފިޝަލް ވިދާޅުވިއެވެ.
މި ހާދިސާގައި އިތުރު ތަފްސީލެއް އަދި ނުލިބެއެވެ.
