އަލަމާ-5 ދޯނިން ގެއްލުނު 3 މީހުންގެ ތެރެއިން 2 މީހުން ނަގައިފިއެވެ.
އެމީހުން ފެނިފައިވަނީ ދަނގެއްޗާ ދިމާލަށް 20 މޭލު ބޭރުން ކަމަށް މައުލޫމާތު ލިބެއެވެ. ފެނިފައިވަނީ 2 ބިދޭސީންނެވެ.
އެމީހުން ފެނުނު އިރު ހާލު ރަނގަޅު ކަމަށް މައުލޫމާތު ލިބެއެވެ. މިރޭ 11:15 ކަންހާއިރު ކޯސްޓްގާޑަށް އެމީހުން ވަނީ ނަގާފައެވެ.
ފެނުނު އިރު އެ 2 މީހުން ތިބީ ހަމެއްގެ މަތީގައެވެ. މައުލޫމާތު ލިބިފައިވާ ގޮތުގައި ދޯނީގެ ކެޕްޓަން އެހެން ހަމެއްގެ މަތީގައި އޮއްވައި އިރު އޮއްސުނު އިރު ދެ ބިދޭސީނަށް ފެނުނެވެ. އިރު އޮއްސުމުން ކެޕްޓަންއަށް ވީ ގޮތެއް ނޭންގޭކަމަށް މަޢުލޫމާތު ލިބެއެވެ.
އަލަމާ-5 ދޯނިން ދަތުރުކުރީ 2 ބިދޭސީންގެ އިތުރުން ދިވެއްސެކެވެ. ދޯނީގެ ކެޕްޓަން އަކީ ދިވެއްސެކެވެ.
