ބީއެމްއެލްގެ ބިޒްނަސް ޑެބިޓް ކާޑުން ދުވާލަކަށް އޭޓީއެމްއިން ނެގޭ އަދަދު 2 ލައްކަ ރުފިޔާއަށް އިތުރުކޮށްފިއެވެ.
މީގެކުރިން އަމިއްލަ އެކައުންޓްތަކުންނާއި ބިޒްނަސް ކާޑުތަކުން ދުވާލަކަށް ގިނަވެގެންނެގެނީ 25 ހާސް ރުފިޔާއެވެ.
"ނަގުދު ފައިސާ ނެގުމުގައި ދިމާވާ ދަތިތައް ހައްލުކޮށްދިނުމުގެ ގޮތުން ބިޒްނަސް ޑެބިޓް ކާޑުން ދުވާލަކަށް އޭޓީއެމްއިން ނެގޭ އަދަދު މިވަނީ 200،000 ރުފިޔާއަށް އިތުރުކޮށްފައެވެ. އޭޓީއެމް އިން ކޮންމެ ފަހަރަކު ގިނަވެގެން ނެގޭނީ 25،000 ރުފިޔާއެވެ." ބީއެމްއިން ބުންޏެވެ.
މި ބަދަލާއެކު ރައްޔިތުންނަށް ވަރަށް ބޮޑަށް ލުއިފަސޭހައެއް ވެގެންދާނެއެވެ. ހާއްސަކޮށް ވިޔަފާރިވެރިންނަށާއި މަަސްވެރިންނަށް ވަރަށް ބޮޑު ލުޔެއް ލިބިގެންދާނެއެވެ.
