ރައްޔިތުންނަށް ރައްކާތެރި ބޯފެން ކަށަވަރުކޮށްދިނުމަކީ މިސަރުކާރުގެ އެންމެ މުހިންމު އެއް އަމާޒު: ރައީސް ޑރ.މުއިއްޒު

ރާއްޖޭގެ އެއްމެހާ ރައްޔިތުންނަށް ރައްކާތެރި ބޯފެން ލިބޭކަން ކަށަވަރުކޮށްދިނުމަކީ މިސަރުކާރުގެ އެންމެ މުހިންމު އެއް އަމާޒުކަމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެއެވެ.

ދުނިޔޭގެ ފެނުގެ ދުވަހާގުޅުވައިގެން އެމަނިކުފާނު އެކްސް ގައި ކުރައްވާފައިވާ ޕޯސްޓްގައި ވިދާޅުވެފައިވަނީ މުޅި ރާއްޖެއަށް ސާފު ފެން ލިބުން ކަށަވަރުކުރުމަށް އިސްކަންދިނުމާއެކު ދެމެހެއްޓެނިވި މުސްތަޤްބަލެއް ބިނާކުރުމަށް މާނަހުރިގޮތެއްގައި ފިޔަވަޅުތަކެއް އެޅުމަށް އަޒުމް ކަނޑައަޅަންޖެހޭ ކަމަށާއި، މޫސުމީ ބަދަލުތަކުގެ ސަބަބުން ލިބޭ ގެއްލުންތަކަށް ވަކާލާތުކުރުމުގައި ރާއްޖެއިން ދެމިތިބޭނެކަމަށާއި، އަދި ރާއްޖޭގެ ރައްޔިތުންނަށް ރައްކާތެރި ބޯފެން ލިބޭނެކަން ކަށަވަރުކުރުމަކީ މިސަރުކާރުގެ އެންމެ މުހިންމު އެއް އަމާޒުކަމަށެވެ.

On this #WorldWaterDay I extend my heartfelt greetings to all Maldivians and our global partners. This year’s theme, #GlacierPreservation is a potent reminder of the complex connection between climate change, water resource limitations and human vulnerability. Our commitment to… pic.twitter.com/EzPNU0wf9C

— Dr Mohamed Muizzu (@MMuizzu) March 22, 2025

މީގެ އިތުރުން އެ މަނިކުފާނުގެ ޕޯސްޓްގައިބަނީ ދުނިޔޭގެ ފެނުގެ ދުވަހުގެ ތަހުނިޔާ އެންމެހައި ދިވެހި ރައްޔިތުންނާއި އަދި ބައިނަލްއަޤްވާމީ ފަރާތްތަކަށްވެސް ފޮނުވާފައެވެ. އަދި މިއަހަރުގެ ފެނުގެ ދުވަހުގެ ޝިއާރު ކަމުގައިވާ "ގްލޭސިއާ ޕްރިވެންޝަން" އަކީ މޫސުމަށް އަންނަ ބަދަލުތަކުން އިންސާނުންނަށް ކުރާ އަސަރުތައް ދެނެގަތުމަށްޓަކައި މުހިންމު ޝިއާރެއްކަމަށްވެސް އެމަނިކުފާނު ވިދާޅުވެފައިވެއެވެ.