ރާއްޖޭގައި ވޮކޭޝަނަލް ތައުލީމުގެ ފެށިތާ 50 އަހަރު ފުރުން ފާހަގަކުރުމަށް، ޕޮލިޓެކްނިކުން ކުރިއަށްގެންދާ ފޮޓޯ މައުރަޒު ރައީސުލްޖުމްހޫރިއްޔާގެ ނައިބު އަލްއުސްތާޛު ހުސައިން މުހައްމަދު ލަތީފު ހުޅުވައިދެއްފައިފިއެވެ.
"ވޮކޭޝަނަލް ޖަރނީ އިން ފްރޭމްސް" ނަމުގައި ކުރިއަށްގެންދާ ފޮޓޯ މައުރަޒުގައި 150އަށްވުރެ ގިނަ ފޮޓޯވަނީ ބަހައްޓާފައެވެ.
މި ރަސްމިއްޔާތުގައި މަތީ ތައުލީމާ ހުނަރުތައް ތަރައްގީކުރުމާ ބެހޭ ވަޒީރު ޑރ.އަލީ ހައިދަރު އަހުމަދު އާއި، ޕޮލިޓެކްނިކްގެ ސީއީއޯ ޒޫޝާން ކަމާލުއްދީންގެ އިތުރުން ޕޮލިޓެކްނިކްގެ ގިނަ އަދަދެއްގެ އިސް ދަރިވަރުން ބައިވެރިވިއެވެ.
މި މައުރަޒު ހުޅުވުމަށް ބޭއްވި ރަސްމިއްޔާތުގަވަނީ 200 ފޮޓޯ ހިމެނޭހެން ޑިޖިޓަލް ގެލަރިއެއްވެސް ވަނީ ލޯންޗްކޮށްފައެވެ. މި ގެލަރީ ލޯންޗްކޮށްދެއްވީ ނައިބު ރައީސް އެވެ. ޕޮލިޓެކްނިކްގެ ދަރިވަރުންގެ ފަރާތުން ނައިބު ރައީސް އަށް ވަނީ ހަނދާނީ ހަދިޔާއެއްވެސް އަރުވާފައެވެ.
