މިހާރު ކުރިއަށްދާ ޔުއެފާ ނޭޝަންސް ލީގުގައި، ރޭގެ މެޗުތަކުގައި ފްރާންސުން 0-1 ގެ ނަތީޖާއިން ބެލްޖިއަމް ބަލިކޮށް ގްރޫޕް ސްޓޭޖުގެ އެއްވަނަ ހޯދައިފިއެވެ.
ފްރާންސުން މިމެޗަށް ނިކުތީ ތަފާތު 9 ބޮޑު ބަދަލެއް ފުރަތަމަ 11 އަށް ގެނެސްގެންނެވެ. މެޗު ކެޕްޓަން އެމްބާޕޭގެ އަނިޔާއާއެކު ޓީމާ ވަކިވެފަވާއިރު، ކޯޗު ޒިދާންވަނީ މުޅި ޓީމުގެ ރޭވުންތެރިކަން ބަދަލުކޮށްފައެވެ. ޓީމުގެ ބެލެންސްސ ހިފެހެއްޓުމަށްޓަކައި، މެދުތެރެއިން ކަމަވިންގާ އަދި ލޫކަސް ޑިކޫނިއާވަނީ މުޅި މެޗުގެ މެދުތެރޭގެ ކޮންޓްރޯލް ނަގާފައެވެ. ޚާއްޞަކޮށް ލޫކަސް ޑިކޫނިއާގެ ހުނަރުވެރިކަން މުޅި މެޗުގައި ފެނިގެންގޮސްފަވާއިރު، މިއީ އޭނާ ޤައުމީ ޓީމަށް ކުޅެދިން ފުރަތަމަ މެޗުވެސް މެއެވެ.
މިމެޗަކީ، ޑިފެންޑަރ އިންޓަމިލާންގެ އެންޑީ ދިއޫފް، ލިވަޕޫލްގެ ޖެރެމީ ޖެކްއެޓްވެސް ޤައުމީ ޓީމަށް ކުޅެދިން ފުރަތަމަ މެޗުކަމުގައިވާއިރު، ކޯޗު ޒިދާންވަނީ މެޗަށްފަހު މިދެކުޅުންތެރިންނަށްވެސް ތައުރީފުކޮށްފައެވެ. ފްރާންސްގެ ކަނާތު ބެކަށް ޒިދާނު ނެގި ޔުވެންޓަސްގެ ކަލޫލޫއަކީވެސް ބައިނަލް އަޤުވާމީ ފެންވަރުގެ ފުޓުބޯޅައަށް މުޅިން އާ ކުޅުންތެރިއަކަސް، މުޅި މެޗުގައި އެއްވެސް މިސްޓޭކެއް ހެދިތަނެއް ފެނިގެނެއް ގޮސްފައި ނުވާކަން ޒިދާނުވަނީ ފާހަގަކޮށްފައެވެ.
އެންމެ ކުރީގައި ޑިޒެރޭ ޑުއޭ އަދި ބާކޮލާ، އަކްލިއޫޝްގެ ތަފާތު މެޗު ފެށިގެން ފެނިގެން ގޮސްފަވާއިރު، ބެލްޖިއަމްގެ ކުޅުންތެރިންނަށް މިކުޅުންތެރިން ހުއްޓުވުމުގައި ބޮޑެތި ގޮންޖެހުންތަކެއް ކުރިމަތިވެއެވެ. މެޗުގެ ދެވަނަ ހާފުގައި، ޑެމްބެލޭ، ޝާކީ އަދި އޮލިސޭ ކުޅެންނެރުނީ ބެލްޖިއަމް ޓީމަށް އިތުރު ޕްރެޝަރެއް ކުރިމަތިކުރުވާށެވެ. އެގޮތުން، މެޗުގެ 88 ވަނަ މިނެޓުގައި އޮލީސޭވަނީ ފްރާންސްގެ ހާފުތެރެއިން ބޯޅަ ހިފައިގެން ގޮސް ޖަހާފައިވާ މެޗު ވިނިންގ ގޯލަކީ މިފަހުން ފްރާންސް ޤައުމީ ޓީމުން ޖެހި އެންމެ ރީތި އެންމެ މޮޅު އެއް ގޯލުކަމުގައި އެކި މީޑިއާތަކުން ބުނެފައިވެއެވެ. ޚާއްސަކޮށް ޝާކީ އެބޯޅަ އޮލީސޭއަށް ޕާސްކުރިއިރު، އޮލިސޭހުރީ ފްރާންސްގެ ހާފުގެ ޕެނަލްޓީ އޭރިއާ ކައިރީގައެވެ. އެބޯޅަ ލިބުމާއެކު، ބާރު ދުވެލީގައި ބެލްޖިއަމްގެ 2 ޑިފެންޑަރުން ކަޓުވާލައި އޮލިސޭ ޖެހި މިގޯލަކީ، ޕުސްކަސް އަށް ވާދަކުރާނެވަރުގެ ގޯލެއްކަމުގައި ޤަބޫލުކުރެވެއެވެ.
ގްރޫޕް ސްޓޭޖުގެ 3 ވަނަ މެޗުގައި ފްރާންސުން ދެން ނިކުންނާނީ ގްރޫޕްގެ 2 ވަނާގައިވާ އިޓަލީ އާއި ދެކޮޅަށެވެ. މިމެޗަކީ ފްރާންސްގެ ކޯޗުކަމާއި ޒިދާނު ހަވާލުވިފަހުން، ފްރާންސްގެ ހޯމްގައި ކުޅޭ ފުރަތަމަ މެޗުގައިކަމުގައިވާއިރު، މިމެޗުގެ ޓިކެޓް ވިއްކަން ފެށިތާ 5 ގަޑިއިރުތެރޭ ޓިކެޓް ހުސްވެފައިވާކަމުގައި ލެކުއިޕޭގައި ބުނެފައިވެއެވެ.
