ރައީސް ސޯލިހުގެ ދައުވަތު ގަބޫލުނުކޮށް ޖުމްހޫރީ ޕާޓީން ރިޔާސީ އިންތިހާބުގައި ވާދަކުރަން ގޮވާލާ އެޕާޓީގެ ޤައުމީ ކޮންފަރެންސަށް ހުށައެޅި ޤަރާރު ފާސްކޮށްފިއެވެ.
މި ޤަރާރު ފާސްކޮށްފައިވަނީ ބައިވެރިވި ހުރިހާ މެންބަރުންގެ އިއްތިފާގުންނެވެ. މި ގަރާރުގައި ވަނީ ޖުމްހޫރީ ޕާޓީން ރިޔާސީ އިންތިހާބުގައި ވާދަ ކުރުމަށް އެޕާޓީގެ ކައުންސިލަށް ލަފާ އަރުވާށެވެ. ކޮންގްރެސް އިން މިގޮތަށް ފާސް ކުރެއްވުމުން ޖުމުހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވީ، ކޮންފަރެންސް އިން އިއްތިފާގުވި ނިންމުން ކައުންސިލާއި ހަމައަށް ގެންގޮސް ދެއްވާނެ ކަމަށެވެ. މިއަށް ގޮތެއް ނިންމާނީ ކައުންސިލުންނެވެ.
މި ގަރާރުގައި ވަނީ ރިޔާސީ އިންތިޚާބުގައި، ޖުމްހޫރީ ޕާޓީގެ ފަރާތުން ކެންޑިޑޭޓަކު ނެރުމަށް ނުވަތަ ޕާޓީ އިސްވެއޮވެ އުފައްދާ ކޯލިޝަނަކުން ކުރިމަތިލުމަށެވެ. ޖުމްހޫރީ ޕާޓީން މިގޮތަށް ނިންމީ ރައީސް ސޯލިހާއެކު ކޯލިޝަން ހަދަން ޖުމްހޫރީ ޕާޓީއަށް ދައުވަތު ދެއްވާ ރައީސްގެ ސިޓީފުޅެއް ފޮނުވާފައިވަނިކޮށެވެ.
ޖުމްހޫރީ ޕާޓީގެ ކެންޑިޑޭޓެެއް ނުވަތަ ޖޭޕީ އިސްވެއޮވެ އުފައްދާ ކޯލިޝަނަކުން މި އަހަރުގެ ރިޔާސީ އިންތިޚާބުގައި ވާދަކުރުމަށް، ޕާޓީގެ ކޮންގްރެސްއިން ޕާޓީގެ ކައުންސިލަށް އިލްތިމާސްކޮށްފި. މިގޮތަށް އިލްތިމާސްކޮށްފައިވަނީ ކޮންގްރެސްގައި ބައިވެރިވި މެމްބަރުންގެ އިއްތިފާގުން. pic.twitter.com/F0BIKb3YKN
— JP Secretariat (@JPSecretariat) February 25, 2023
