މިދިޔަ ފެބްރުއަރީމަހުގެ 17 ވަނަ ދުވަހު ހުޅުމާލޭ ޖޫސްޓައިމް ކެފޭ އަށް ބަޔަކު ވަދެ ގެއްލުން ދިން މައްސަލާގައި އަމަލީ ގޮތުން ބައިވެރިވި މީހަކު ފުލުހުން ހައްޔަރު ކޮށްފިއެވެ.
ފުލުހުން ބުނީ ޖޫސްޓައިމް ކެފޭއަށް އަމަލީގޮތުން ގެއްލުންދިން މައްސަލާގައި ހައްޔަރު ކޮށްފައިވަނީ އުމުރުން 19 އަހަރުގެ ދިވެހި ފިރިހެނެއް ކަމަށެވެ. އޭނާ ހައްޔަރު ކޮށްފައިވަނީ ކޯޓުއަމުރެއްގެ ދަށުން މިއަދުގެ ވަގުތެއްގައެވެ.
ހުޅުމާލޭގައި ހުންނަ ޖޫސްޓައިމްސް ކެފޭއަށް ގެއްލުން ދިނީ މޫނު ނިވާކޮށްގެން ތިބި 2 މީހުންނެވެ.
އެ މައްސަލާގައި މީގެ ކުރިން ފުލުހުން ވަނީ 7 މީހަކު ހައްޔަރު ކޮށްފައެވެ. ސޯޝަލް މީޑިއާގައި ދައުރުވަމުންދާ ވީޑިއޯއަކުން ފެންނަނީ ހެލްމެޓް އަޅައި، މޫނު ނިވާކޮށްގެން ތިބި ދެ ފިރިހެނުން ހުޅުމާލޭގައި ހުންނަ "ޖޫސް ޓައިމް"އަށް ވަދެ ތަނަށް ގެއްލުންދޭ މަންޒަރެވެ.
